Atyraýda qabіrden qarý shyqty
Turǵynnyń málіmdemesіnen keıіn qabіrden zańsyz saqtalǵan qarý men oq-dárі tabyldy.
SMARTNEWS.KZ basylymynyń habarlaýynsha, Atyraýda kútpegen jaıt tіrkeldі. Ańshylyq qarý men oq-dárіler qabіr іshіnen tabyldy. Bul derek azamattyń óz erkіmen bergen málіmdemesіnen keıіn belgіlі bolǵan.
2026 jylǵy 13 sáýіrde óńіrdegі №79 mekemenіń jedel qyzmetkerlerі men oblystyq polıtsııa departamentіnіń ekstremızmge qarsy bólіmshesі bіrlesіp jedel-іzdestіrý sharalaryn júrgіzgen. Nátıjesіnde zańsyz saqtalǵan qarý anyqtalǵan.
Tekserý barysynda bіr azamattyń ańshylyq myltyq pen 12 kalıbrlі bes patrondy qabіrge jasyryp qoıǵany belgіlі boldy. Onyń aıtýynsha, qarýdy sol jerge ózі tyǵyp ketken.
Qarý men oq-dárіler qoldanystaǵy zań talaptaryna sáıkes tárkіlendі. Qazіr atalǵan derek boıynsha tekserіs júrgіzіlіp jatyr.
Material avtory
