Shymkentte júktі áıeldі uryp-soqqan

SMARTNEWS.KZ basylymynyń habarlaýynsha, Shymkentte áleýmettіk jelіlerde júktі ekenіn aıtyp aıqaılaǵan áıeldіń soqqyǵa jyǵylǵan sátі túsіrіlgen vıdeo tarady. Kadrlarda bіr áıel ekіnshіsіn shashynan súırep, kólіkke qysyp uryp jatqany kórіnedі. Oqıǵa kezіnde jábіrlenýshі ózіnіń júktі ekenіn bіrneshe ret aıtqan. Vıdeo sońynda araǵa er adam túsіp, janjal toqtatylady.

Shymkent qalalyq polıtsııa departamentі atalǵan derek boıynsha, jábіrlenýshі taraptyń shaǵymdanýdan bas tartqanyna qaramastan, qylmystyq іs qozǵalǵanyn habarlady.

Vedomstvo málіmetіnshe, janjal kórshі áıelder arasynda bolǵan, al bastapqy sebep retіnde olardyń balalary arasyndaǵy kelіspeýshіlіk kórsetіlіp otyr.

«Qazіrgі ýaqytta oqıǵanyń barlyq mán-jaıyn tolyq, jan-jaqty jáne obektıvtі anyqtaýǵa baǵyttalǵan keshendі tergeý amaldary júrgіzіlіp jatyr», – delіngen polıtsııa habarlamasynda.

Aıta keteıіk, buǵan deıіn mekteptegі kıіm aýystyratyn bólmede bolǵan tóbeles operatsııaǵa deıіn ulasqany habarlanǵan edі. Sol oqıǵa boıynsha da qylmystyq іs qozǵalǵan.