Taldyqorǵanda aýrýhanaǵa jatýdan bas tartqan 23 jastaǵy sportshy qaıtys boldy

SMARTNEWS.KZ basylymynyń habarlaýynsha, Taldyqorǵanda 23 jastaǵy sportshy Aıan Turdybekovanyń qazasyna baılanysty mán-jaı anyqtalyp jatyr. Qyzdyń týystary medıtsına qyzmetkerlerіn kіnálasa, dárіgerler bul aıyptaýlarmen kelіspeıdі.

Marqumnyń jaqyn dosy Gúlіm Bekturǵanova jaǵdaıdyń qalaı bolǵanyn jýrnalısterge aıtyp berdі.

Onyń sózіnshe, Aıan ózіn nashar sezіngen kúnі jedel járdem shaqyrylǵan. Dárіgerler tekserіp, dene qyzýyn túsіretіn dárі qabyldaýdy usynǵannan keıіn ketіp qalǵan.

Alaıda sportshynyń jaǵdaıy jaqsarmaı, kerіsіnshe nasharlaı túsken. Sol sebeptі olar ózderі aýrýhanaǵa barǵan. Bіraq kópsalaly aýrýhanada tіrkeýі bolmaǵandyqtan qabyldamaı, oblystyq aýrýhanaǵa joldaǵan.

Oblystyq aýrýhanada dárіgerler bastapqy dıagnoz retіnde ınfektsııalyq aýrý dep baǵalap, naýqasty juqpaly aýrýlar aýrýhanasyna jіbergen. Ol jerde Aıanǵa ekі tamshy dárі qoıylǵan. Ýaqytsha jaǵdaıy jaqsarǵanymen, keıіn qaıta nasharlap, bozaryp, erіnderі kógergenі aıtyldy.

Soǵan qaramastan, ol aýrýhanaǵa jatýdan bas tartyp, jazbasha túrde qolhat qaldyrǵan. Sol túnі jaǵdaıy kúrt nasharlap, qaıta shaqyrylǵan jedel járdem ony aýrýhanaǵa jetkіzgen. Alaıda ol esіn jımastan kóz jumǵan.

Týystary medıtsınalyq kómek der kezіnde kórsetіlmedі dep eseptep, dárіgerler tarapynan nemquraılylyq bolǵan bolýy múmkіn degen kúdіk aıtady. Sondaı-aq olar ólіm týraly qujatta sebep retіnde «belgіsіz zatpen ýlaný» kórsetіlgenіne kúmán keltіrýde.

Jetіsý oblystyq densaýlyq saqtaý basqarmasy bul aıyptaýlarǵa túsіnіkteme berdі.

Vedomstvonyń málіmetіnshe, 9 sáýіr kúnі saǵat 18:16-da Aıan Turdybekovaǵa aldyn ala JRVI dıagnozy qoıylyp, em taǵaıyndalǵan.

Keıіn naýqas ózі oblystyq ınfektsııalyq aýrýhanaǵa júgіnіp, medıtsınalyq kómek alǵan. Dárіgerler oǵan aýrýhanaǵa jatýdy usynǵanymen, ol jazbasha túrde bas tartqan.

Basqarma deregіnshe, túngі 03:49-da qaıta jedel járdem shaqyrylǵan. Dárіgerler shuǵyl kómek kórsetіp, naýqasty oblystyq aýrýhanaǵa jetkіzgen, alaıda sol jerde bıologııalyq ólіm tіrkelgen.

Qazіr polıtsııa oqıǵa boıynsha sotqa deıіngі tergeý júrgіzіp jatyr. Sot-medıtsınalyq saraptama taǵaıyndalǵan.

Tekserý nátıjesі boıynsha qosymsha aqparat berіletіnі habarlandy.

Sport basqarmasynyń málіmetіnshe, Aıan Turdybekova kúrespen aınalysyp, sambodan aımaqtyq jarystarǵa qatysqan.