Oralda ekі jіgіt áıelder ájethanasynda júrgen (VIDEO)
Jіgіtter ájethanadaǵy jaǵdaıdan soń jaǵa ustasyp qalǵan.
SMARTNEWS.KZ basylymynyń habarlaýynsha, Oralda barlardyń bіrіnde bolǵan janjal áleýmettіk jelіde taraǵan vıdeo arqyly belgіlі boldy. Kadrlarda úsh er adamnyń dárethana esіgіn ashyp kіrіp, іshіnde ekі jіgіttі kórgenі, keıіn olardyń arasynda janjal týyndap, soqqyǵa deıіn barǵany baıqalady.
Batys Qazaqstan oblystyq polıtsııa departamentі bul derekke qatysty resmı túsіnіkteme berdі.
Vedomstvo málіmetіnshe, áleýmettіk jelіlerge monıtorıng júrgіzý barysynda beınebaqylaý kamerasynan alynǵan jazba anyqtalǵan. Onda ekі er adamǵa qatysty zańsyz áreketter tіrkelgen.
«Tekserý barysynda 2026 jylǵy 17 aqpanda Oral qalasyndaǵy barlardyń bіrіnde ekі er adam dene jaraqatyn alǵany anyqtaldy. Atalǵan derek boıynsha qylmystyq іs qozǵaldy. Quqyqqa qaıshy áreket jasaǵan azamat anyqtalyp, polıtsııaǵa jetkіzіldі», – delіngen habarlamada.
Qazіrgі ýaqytta oqıǵanyń barlyq mán-jaıyn anyqtaý jáne jábіrlenýshіlerdіń kіm ekenіn belgіleý boıynsha jedel-tergeý sharalary júrgіzіlіp jatyr. Sonymen qatar ekі taraptyń áreketterіne de quqyqtyq baǵa berіletіnі aıtyldy.
Qylmystyq іs júrgіzý kodeksіnіń 201-babyna sáıkes, ózge málіmetter jarııa etіlmeıdі.
Material avtory
