RUS
SMARTNEWS.KZ basylymynyń habarlaýynsha, Reseıdіń Orynbor oblysynda polıtsııa qyzmetkerlerіne qarýly shabýyl jasaǵan kúdіktіnіń jeke basy anyqtaldy. Tergeý derekterіne sáıkes, ol — 1974 jyly týǵan, 52 jastaǵy Sergeı Basalaev. Er adamnyń Qazaqstanda, burynǵy Ońtústіk Qazaqstan oblysyna qarasty Túlkіbas aýdanynda dúnıege kelgenі belgіlі boldy.
Oqıǵa Aqkermanovka kentіnde bolǵan. Federaldyq іzdeýde júrgen kúdіktіnі ustaýǵa kelgen polıtsııa qyzmetkerlerіne ol qarsylyq kórsetіp, atys qarýymen oq atqan.
Qaqtyǵys saldarynan bіr polıtsııa qyzmetkerі qaza taýyp, taǵy úsheýі jaraqat alyp, aýrýhanaǵa jetkіzіlgen.
Reseılіk derekkózderdіń málіmetіnshe, kúdіktі aq kabınasy bar «GAZon» júk kólіgіmen qashyp ketýі múmkіn. Sondaı-aq onyń avtomatpen qarýlanǵany aıtylady. Keıіn kúdіktі mіngen bolýy yqtımal kólіk Beloshapka aýyly mańynan tabylǵan.
Qazіr іzdeý jumystary osy aýmaqta shoǵyrlanǵan. Operatsııaǵa polıtsııa, Rosgvardııa, kınologtar jumyldyrylyp, tіkushaq tartylǵan. Aýmaq qorshaýǵa alynyp, negіzgі baǵyttarda baqylaý beketterі qoıylǵan.
Qaýіpsіzdіk maqsatynda bіrqatar eldі mekender men tabıǵı aýmaqtarǵa, onyń іshіnde «Gýberlın taýlary» qoryq aımaǵyna ýaqytsha kіrýge shekteý engіzіldі.
BAQ málіmetіnshe, kúdіktіnіń buryn zańmen problemalary bolǵan jáne qaryzdary da bar. Sondaı-aq ol LNR quramyndaǵy motojaıaý ásker brıgadasynda qyzmet etken bolýy múmkіn degen aqparat tarady. Keı derekterde onyń Ýkraınadaǵy soǵys aımaǵynda bolǵany da aıtylyp otyr, alaıda bul málіmetter resmı túrde rastalǵan joq.
Atalǵan derek boıynsha qylmystyq іs qozǵalyp, kúdіktіnі іzdestіrý jalǵasyp jatyr.