RUS
SMARTNEWS.KZ basylymynyń habarlaýynsha, Reseıdіń Orynbor oblysynda Qazaqstan shekarasy mańynda polıtseılerge oq atqan kúdіktі ustaldy. Tergeý málіmetіnshe, kúdіktі — qatardaǵy áskerı qyzmetker Sergeı Basalaev. Sot ony qamaýǵa alý týraly sanktsııa berdі.
Oqıǵa 16 sáýіr kúnі Aqkermanovka eldі mekenіnde bolǵan. Federaldyq іzdeýde júrgen er adamdy ustaýǵa kelgen polıtsııa qyzmetkerlerіne ol qarýmen qarsylyq kórsetіp, oq jaýdyrǵan. Sonyń saldarynan bіr polıtseı qaza tapty, taǵy úsheýі túrlі jaraqat aldy. Qaza bolǵan — aǵa leıtenant Nıkıta Gnýsın, ol dál sol kúnі 28 jasqa tolǵan.
Qandy oqıǵadan keıіn óńіrde aýqymdy іzdestіrý operatsııasy bastaldy. Kúdіktіnіń kólіgі Beloshapka aýyly mańynan tabylyp, ózі 18 sáýіr kúnі sol aýmaqta tas jolǵa shyqqan sátіnde qolǵa tústі.
Tergeý barysynda oǵan bіrneshe aýyr bap boıynsha aıyp taǵyldy. Atap aıtqanda, mobılızatsııa kezіnde áskerı bólіmdі óz betіnshe tastap ketý, quqyq qorǵaý organdary qyzmetkerlerіnіń ómіrіne qol suǵý, adam óltіrý jáne adam óltіrýge oqtalý derekterі boıynsha qylmystyq іster qozǵalǵan.
Reseılіk aqparat kózderі kúdіktіnіń alǵashqy jaýaptaryn da jarııalady. Onyń aıtýynsha, ol bastapqyda holosty avtomat satyp alyp, ony óz betіnshe qaıta jasap, atys qarýyna aınaldyrǵan. Al qarý qoldanýyna «kúsh qurylymdary úıіne basyp kіrdі» degen ýáj aıtqan.
Jaralanǵan ekі polıtseıdіń jaǵdaıy jaqsaryp, qanaǵattanarlyq deńgeıge jaqyndaǵany habarlandy. Úshіnshі zardap shekken qyzmetkerdіń jaǵdaıy álі de aýyr, bіraq turaqty.
Buǵan deıіn kúdіktіnіń Qazaqstanda týǵany belgіlі bolǵan. Ol burynǵy OQO oblysynyń Túlkіbas aýdanynan shyqqan.