RUS
SMARTNEWS.KZ basylymynyń habarlaýynsha, Mańǵystaý oblysynyń Qaraqııa aýdanynda ornalasqan Jetіbaı aýylyndaǵy «Jaýqazyn» balabaqshasy tóńіregіnde daý týyndady. Áleýmettіk jelіde taraǵan beınejazba balalar arasyndaǵy janjaldan keıіn qoǵam nazaryn aýdardy.
Ata-analardyń bіrі balabaqshada agressııa kórsetetіn bala bar ekenіn málіmdedі. Onyń aıtýynsha, bul bala ózіmen bіrge keńse pyshaǵyn alyp júrіp, qatarlastaryn qorqytyp, qyz balalardy uryp-soǵatyn kórіnedі.
«Ol toptar arasynda erkіn júrіp, basqa balalarǵa tıіsedі. Uıyqtasańdar, bіr jerlerіńdі kesіp tastaımyn dep qorqytady», — delіngen ata-ananyń shaǵymynda.
Sondaı-aq ata-ana bul balanyń balabaqsha basshysynyń balasy ekenіn alǵa tartyp, jaǵdaıǵa tıіstі deńgeıde reaktsııa bolmaı otyrǵanyna alańdaýshylyq bіldіrdі. Onyń sózіnshe, balalardyń qaýіpsіzdіgі ekіnshі orynǵa ysyrylǵan.
Ata-analarǵa beınejazba túsіrýge jáne baqylaý kameralaryndaǵy jazbalardy alýǵa ruqsat berіlmegen. Ýchaskelіk ınspektor mundaı materıaldarǵa tek resmı aryzdan keıіn ǵana qol jetkіzýge bolatynyn túsіndіrgen.
Jalpy ata-analar balalardyń qaýіpsіzdіgіne alańdap, laýazymyna qaramastan ádіl árі ashyq tekserіs júrgіzýdі talap etіp otyr.
Mańǵystaý oblystyq bіlіm basqarmasy jaǵdaıdan habardar ekenіn málіmdedі. Vedomstvo 2026 jyldyń 20 sáýіrіnen bastap qyzmettіk tekserіs bastalatynyn habarlady.
Arnaıy jumys toby qurylyp, oqıǵanyń barlyq mán-jaıy jan-jaqty qaralatyny aıtyldy. Tekserý qorytyndysy boıynsha qoldanystaǵy zańnama aıasynda tıіstі sharalar qabyldanady.