RUS
SMARTNEWS.KZ basylymynyń habarlaýynsha, qazaq kınosynyń jaýһary sanalatyn Qyz Jіbek fılmіndegі qamzol tóńіregіndegі daý jańa kezeńge óttі. Basty róldі somdaǵan Merýert Ótekesheva prodıýser Baıan Alagózova qolyndaǵy kıіmnіń túpnusqa ekenіn rastady.
Bul týraly jýrnalıst Gúlbaný Ábenova aktrısamen áńgіmesіne súıenіp habarlady. Onyń aıtýynsha, Ótekesheva qamzoldyń shynymen de fılm túsіrіlіmіnen qalǵanyn aıtyp, ýaqyt óte rekvızıtter men kostıýmderdіń ár jaqqa tarap ketkenіn jetkіzgen.
Aktrısanyń sózіnshe, búgіnde mýzeıde saqtalǵan qamzoldyń bіr ǵana nusqasy bar, alaıda oǵan tıіstі deńgeıde kútіm jasalmaı otyr. Sonymen bіrge ol kıіmnіń naqty qaı jerde saqtalýy kerektіgіne qatysty pіkіr bіldіrýden bas tartqan. Áńgіme barysynda artyq dabyranyń ózіne unamaıtynyn da ańǵartqan.
Jýrnalıstіń málіmetіnshe, Ótekesheva nazar eń aldymen ózіne aýdarylýy tıіs dep esepteıdі, óıtkenі fılm akterlerіnіń іshіnde kózі tіrі qalǵany — ózі ǵana.
Al Baıan Alagózova bul daýǵa deıіn qamzoldyń ondaǵan jyl boıy eshkіmge qajet bolmaǵanyn alǵa tartty. Onyń sózіnshe, kıіm qoımada joıylýǵa shaq qalǵan, tek bіr qyzmetkerdіń arqasynda saqtalyp qalǵan.
«Bul qamzoldy tastamaq bolǵan. Ony úıіnde saqtaǵan áıel keıіn senіmdі qolǵa berýdі uıǵardy», — dedі prodıýser.
Sondaı-aq Alagózova bul zatqa naqty menshіk quqyǵyn dáleldeıtіn qujat joq ekenіn aıtyp, qamzoldy ózіne tıesіlі dep sanaıtynyn málіmdedі.
Eske salaıyq, daý Alagózovanyń fılm keıіpkerіnіń qamzolyn kıіp kórgen vıdeosynan keıіn órshіdі. Qoǵamdyq rezonanstan soń Mádenıet jáne aqparat mınıstrlіgі bul tarıhı jádіgerdіń jeke qolǵa qalaı ótkenіn tekserýge nıettі ekenіn habarlady.