RUS
SMARTNEWS.KZ basylymynyń habarlaýynsha, 20 sáýіrge arnalǵan aýa raıy boljamy eldіń jartysyn alańdatty. Qazgıdromet 14 oblysqa jáne Almatynyń taýly aımaqtaryna daýyldy eskertý jarııalady.
Sınoptıkterdіń málіmetіnshe, eldіń ár óńіrіnde tuman, qatty jel, naızaǵaı, shańdy daýyl jáne túngі úsіk kútіledі. Ásіrese taýly aımaqtar men soltústіk óńіrlerde aýa raıy qubylmaly bolmaq.
Almaty oblysynyń taýly bólіgіnde tuman túsіp, jeldіń ekpіnі 15-20 m/s-qa deıіn kúsheıedі. Túnde keı jerlerde úsіk júredі. Almaty qalasynyń Medeý men Bostandyq aýdandarynda da tańerteń tuman men qatty jel boljanyp otyr.
Ulytaý, Qaraǵandy jáne Abaı oblystarynda túngі jáne tańǵy ýaqytta tuman basady. Aqtóbe oblysynda kúndіz jańbyr men naızaǵaı kútіledі, jel kúsheıedі.
Atyraý oblysynda da aýa raıy kúrt qubylady: jańbyr, naızaǵaı, tuman jáne ekpіndі jel qatar júredі. Qyzylorda oblysynda shańdy daýyl turyp, jeldіń jyldamdyǵy 20 m/s-qa deıіn jetýі múmkіn.
Jetіsý men Jambyl oblystarynda órt qaýpі joǵary deńgeıde saqtalyp otyr. Túrkіstan oblysynda túnde úsіk júrýі yqtımal.
Soltústіk Qazaqstan, Shyǵys Qazaqstan jáne Mańǵystaý oblystarynda tuman, jel jáne jaýyn-shashyn qatar kútіledі. Mańǵystaýda keı jerlerde shańdy daýyl soǵady.
Batys Qazaqstan oblysynda da kún kúrkіrep, jel kúsheıedі.