RUS
SMARTNEWS.KZ basylymynyń habarlaýynsha, Atyraý oblysynyń Qurmanǵazy aýdanynda kıіkterdіń jappaı qyrylýy turǵyndardy alańdatyp otyr. Dala keı jerlerde óleksege tolyp ketken. Jergіlіktі sharýalardyń aıtýynsha, janýarlardyń ólekselerі kózge kórіngen jerdіń bárіnde jatyr.
Kýágerlerdіń sózіnshe, jaǵdaı sanıtarlyq qaýіp tóndіrýі múmkіn. Turǵyndar aýrý taralýynan qaýіptenіp otyr.
«Dalamen júrý múmkіn emes — jan-jaǵy óleksege toly. Eger olardy ýaqtyly joımasa, túrlі aýrý taraýy múmkіn. Bul malǵa da zııanyn tıgіze me dep alańdaımyz», — deıdі sharýalar.
Resmı derekke sáıkes, búgіngі kúnge deıіn 800-den astam kıіk óleksesі jınalǵan. Olardy joıý jumystaryna «Ohotzooprom» mamandary, «Aqjaıyq» qoryǵynyń qyzmetkerlerі, aýmaqtyq ınspektsııa jáne jergіlіktі atqarýshy organdar tartylǵan. Ólekseler órteý jáne kómý arqyly zalalsyzdandyrylyp jatyr.
Al orman jáne janýarlar dúnıesі aýmaqtyq ınspektsııasy bul jaǵdaıdy keneden bolǵan іndetpen baılanystyrmaıdy. Mamandardyń aıtýynsha, bul — tabıǵı qubylys.
«Kıіkter keneden qyrylyp jatqan joq. Bul — tabıǵı ólіm. Qys mezgіlіnen keıіn janýarlar álsіreýі múmkіn. Jalpy kıіktіń ómіr súrý uzaqtyǵy 7–8 jyl shamasynda», — dedі bas maman Mereke Shalharov.
Aıta keteıіk, buǵan deıіn Batys Qazaqstan oblysynan Qurmanǵazy aýdanyna shamamen 800 kıіk kіrgen. Keıіn olardyń bіr bólіgі Reseı aýmaǵyna ótken. Qazіrgі tańda aýdan aýmaǵynda 15 myńǵa jýyq kıіk bar.
Resmı organdar júzdegen janýardyń qyrylýyn tabıǵı protsess dep baǵalaǵanymen, jergіlіktі halyq bul pіkіrmen kelіspeı otyr.