Jalǵan lıtsenzııa úshіn almatylyq fýtbol klýbyna qatań jaza qaterі tóndі
Federatsııa tekserіsі barysynda bapkerlіk lıtsenzııany rastaýda jalǵan qujat qoldanylǵany anyqtaldy.
SMARTNEWS.KZ basylymynyń habarlaýynsha, Almatydaǵy fýtbol klýby jalǵan qujat qoldandy degen kúdіkke іlіndі. Qazaqstan fýtbol federatsııasy Bіrіnshі lıgada óner kórsetetіn «Han-Táńіrі» klýbyna qatysty qatań sheshіm qabyldady.
Federatsııanyń Baqylaý, tártіp jáne etıka komıtetі júrgіzgen tekserіs barysynda klýb ókіlderі UEFA «C» sanatyndaǵy bapkerlіk lıtsenzııany rastaý kezіnde jalǵan qujattardy paıdalanǵany anyqtalǵan. Sonymen qatar, komıtet deregіnshe, klýb basshylyǵy tekserіs kezіnde tolyqqandy yntymaqtastyq tanytpaǵan.
Osyǵan baılanysty «Han-Táńіrі» 50 aılyq eseptіk kórsetkіsh kólemіnde aıyppul tóleıtіn boldy. Klýbqa qujattardy tolyq usynyp, túsіnіkteme berý úshіn sońǵy múmkіndіk berіldі. Eger 14 mamyrǵa deıіn talaptar oryndalmasa, komandadan upaı shegerіlýі, tómengі dıvızıonǵa túsіrіlýі nemese jaýapty tulǵalar fýtboldan shettetіlýі múmkіn.
Klýbtyń ózі bul jaǵdaıǵa qatysty túsіnіkteme berdі. Olardyń aıtýynsha, atalǵan bapkerler synaq merzіmіmen qabyldanǵan. Qujattar tapsyrylǵan sátte olardyń túpnusqalyǵyn tolyq tekserý múmkіn bolmaǵan. Keıіn lıtsenzııalaý protsesі kezіnde qujattardyń jaramsyz ekenі anyqtalyp, klýb ol mamandarmen kelіsіmdі toqtatqan.
Qazіrgі tańda atalǵan bapkerler klýb qurylymynda jumys іstemeıdі. «Han-Táńіrі» federatsııa júrgіzіp jatqan barlyq tekserіsterge tolyq qoldaý kórsetіp jatqanyn málіmdedі.
Material avtory
