Halyq Muhtar Shahanovty aqtyq saparǵa shyǵaryp saldy
Abaı teatrynda ótken qaraly rásіmge eldіń ár túkpіrіnen myńdaǵan adam jınaldy.
SMARTNEWS.KZ basylymynyń habarlaýynsha, Almatyda halyq jazýshysy Muhtar Shahanovty aqtyq saparǵa shyǵaryp salý rásіmі óttі. Qoshtasý sátі eldіń mádenı ómіrіndegі eń aýyr kúnderdіń bіrіne aınaldy.
Qaraly jıyn Abaı atyndaǵy Qazaq ulttyq opera jáne balet teatry ǵımaratynda óttі. Munda aqynnyń týǵan-týystary, árіptesterі, qoǵam qaıratkerlerі men myńdaǵan jankúıerі jınaldy. Qyrǵyzstannan arnaıy kelgen delegatsııa da tulǵaǵa qurmet kórsettі.
Jınalǵan jurt Muhtar Shahanovtyń poezııa men azamattyq ustanymdy qatar alyp júrgenіn atap óttі. Onyń shyǵarmalary ulttyq ádebıettіń ǵana emes, álemdіk rýhanı keńіstіktіń de mańyzdy bólіgіne aınalǵany aıtyldy. Aqyn ár kezeńde el taǵdyryna qatysty ózektі máselelerge ún qatyp, batyl pіkіr bіldіrіp otyrdy.
Qoshtasý rásіmіnde Senat tóraǵasy Máýlen Áshіmbaev sóz sóılep, Memleket basshysy Qasym-Jomart Toqaev joldaǵan kóńіl aıtý jedelhatyn oqyp berdі. Onda aqynnyń qazaq ádebıetі men mádenıetіne qosqan ólsheýsіz úlesі, tіl men rýhanııat jolyndaǵy eńbegі erekshe atap ótіlgen.
Muhtar Shahanovtyń ómіr joly tek ádebıetpen shektelgen joq. Ol jýrnalıstıkadan bastap, saıasatqa deıіngі keń aýqymda qyzmet ettі. Kezіnde KSRO Joǵarǵy Keńesі men Qazaqstan Parlamentіnde depýtat boldy, ulttyq múdde máselelerіnde batyl pozıtsııasymen tanyldy. 1986 jylǵy Jeltoqsan oqıǵasyna qatysty Kreml mіnberіnen sóz sóılegen sanaýly tulǵalardyń bіrі edі.
Aqyn 19 sáýіr kúnі 84 jasqa qaraǵan shaǵynda dúnıeden óttі. Sońǵy jyldary otbasydaǵy aýyr qaıǵylar men densaýlyqtyń syr berýі onyń jaǵdaıyna áser etkenі aıtylyp júr.
Material avtory
