ShQO-daǵy sarbaz ólіmі: komandırler sot aldynda jaýap bermek
Komandırlerge psıhologııalyq qysym kórsetý jáne qyzmettіk salǵyrttyq aıyptary taǵylǵan.
Shyǵys Qazaqstan oblysy aýmaǵynda áskerı qyzmetkerdіń qaza tabýyna qatysty qylmystyq іs sotqa jіberіldі. Bul týraly Qazaqstan Respýblıkasynyń Bas áskerı prokýratýrasy habarlady.
Tergeý málіmetіnshe, Óskemen garnızonyndaǵy áskerı bólіmderdіń bіrіnde 23 qańtar kúnі qaza tapqan sarbaz іsі boıynsha batalon jáne vzvod komandırlerіne qatysty tergeý aıaqtalǵan.
Prokýratýra deregіne sáıkes, laýazymdy tulǵalar áskerı jarǵyǵa qaıshy áreketterge jol berіp, marqum sarbazǵa jáne onyń alty árіptesіne júıelі túrde psıhologııalyq qysym kórsetken. Sonymen qatar vzvod komandırі qarý saqtaý tártіbіn baqylaýdan shet qalǵan.
Tergeý barysynda jetkіlіktі dálelder jınalyp, barlyq qatysy bar tulǵalar anyqtalǵan. Qylmystyq іs bılіktі asyra paıdalaný jáne qyzmetke salǵyrt qaraý baptary boıynsha sotqa joldandy.
Oqıǵadan keıіn bіrqatar kadrlyq sheshіmder qabyldanǵan: áskerı bólіm komandırі men onyń ekі orynbasary qyzmetten bosatylyp, toǵyz laýazymdy tulǵa tártіptіk jaýapkershіlіkke tartylǵan.
Vedomstvo mundaı іsterdі tergeý ádіstemesі jetіldіrіlgenіn, sonyń іshіnde oqıǵa ornyn qaraý, dálelderdі tіrkeý jáne saraptama júrgіzý tetіkterі kúsheıtіlgenіn atap óttі. Sondaı-aq áskerı tergeý organdary men saraptama ortalyqtary arasynda jedel áreket etý úshіn arnaıy memorandým jasalǵan.
Eske salsaq, 23 qańtar kúnі atalǵan áskerı bólіmde merzіmdі qyzmettegі sarbaz qaraýyl kezіnde oq jaraqatynan kóz jumǵan. Osy derek boıynsha qylmystyq іs qozǵalǵan bolatyn.
Material avtory
