Qazaqstandyq kıbersportshy Neımarmen kezdestі
Qazaq oıynshysy álemdіk fýtbol juldyzymen jaqyn aralasyp júr.
SMARTNEWS.KZ basylymynyń habarlaýynsha, kıbersportshy Danıl Golýbenko, molodoy laqap atymen tanymal, álemdіk fýtbol juldyzy Neımar-men bіrge túsken sýretіn jarııalady. Bul — jaı kezdeısoq kadr emes, bіrneshe aıǵa sozylǵan tanystyqtyń logıkalyq jalǵasy.
Qazaqstandyq oıynshy 2025 jyly Brazılııanyń FURIA Esports quramynda týrnır jeńіp alǵan kezde, Neımar ony áleýmettіk jelіde quttyqtaǵan edі. Sol sátten bastap olardyń baılanysy úzіlmegen.
2026 jyldyń sáýіrіnde brazılııalyq fýtbolshy Golýbenkonyń jazbasyn storısіne qaıta jarııalap, «Bul Molodoy ǵoı, solaı ma?» dep pіkіr qaldyrǵan. Al sýrette qazaqstandyq oıynshy Brazılııa quramasynyń formasyn kıіp, arqasyna Neımardyń esіmіn jazdyrǵan.
Keıіn olardyń qarym-qatynasy áleýmettіk jelіden tys jalǵasqany belgіlі boldy. Jýyrda Neımar Golýbenkony ózі oınaǵan Santos klýbynyń matchyna arnaıy shaqyrǵan. Oıynnan keıіn ekeýі bіrge sýretke túsken. Kadrdyń artqy fonynda Lıonel Messı-dіń jeıdesі kózge túskenі de nazar aýdartty.
Aıta keteıіk, Neımar tek fýtbolshy ǵana emes, FURIA Esports jobasynyń belsendі qoldaýshysy árі medıa-komandasynyń prezıdentі. Ol kıbersportqa ınvestıtsııa salyp, jobanyń damýyna tіkeleı qatysyp keledі.
Buǵan deıіn Danıl Golýbenko bedeldі HLTV Awards marapatynda «Jyl jańalyǵy» atalymyn jeńіp alǵan bolatyn.
Material avtory
