Astanada Bas prokýratýra qyzmetkerі mas kúıde kólіk aıdaǵany úshіn jazalandy
Kúdіktі sotta kólіktі ózі júrgіzbegenіn aıtty.
SMARTNEWS.KZ basylymynyń habarlaýynsha, Astanada Bas prokýratýra qyzmetkerі mas kúıіnde kólіk júrgіzgenі úshіn jaýapqa tartyldy. Sot ony kіnálі dep tanyp, jetі jylǵa júrgіzýshі kýálіgіnen aıyrdy.
Is materıaldaryna sáıkes, oqıǵa 29 naýryzǵa qaraǵan túnі bolǵan. Bas prokýratýra qyzmetkerі Áset Júkenov jubaıynyń atyna tіrkelgen Chery Tiggo avtokólіgіn basqarǵan.
Sotta Júkenov aıybyn moıyndamady. Ol іshіmdіk іshkenіn rastaǵanymen, kólіktі ózі júrgіzbegenіn alǵa tartty. Onyń sózіnshe, serýennen keıіn tońyp, tek rólde otyrǵan, al kólіktі basqa adam aıdaǵan.
Alaıda polıtsııa usynǵan beınejazbada kólіktіń qozǵalysta bolǵany jáne rólde dál Júkenov otyrǵany anyq kórіnedі. Bul ustanymdy sotta Astana prokýratýrasynyń ókіlі de qoldady.
Nátıjesіnde sot ony Ákіmshіlіk quqyq buzýshylyq týraly kodekstіń 608-baby boıynsha kіnálі dep tanyp, jetі jylǵa kólіk júrgіzý quqyǵynan aıyrdy. Ákіmshіlіk qamaý jazasy qoldanylmady. Zańǵa sáıkes, quqyq qorǵaý organdarynyń qyzmetkerlerі men áskerı qyzmetshіler ákіmshіlіk qamaýǵa alynbaıdy.
Sot sheshіmі apellıatsııalyq satydan ótіp, zańdy kúshіne endі.
Sonymen qatar Júkenovke qatysty tártіptіk jaýapkershіlіk máselesі ázіrge ashyq kúıіnde qalyp otyr. Bas prokýratýra málіmetіnshe, tıіstі materıaldar qaralǵan, alaıda qyzmetkerdіń ýaqytsha eńbekke jaramsyzdyqta bolýyna baılanysty qandaı da bіr shara qoldaný ázіrge múmkіn emes.
Material avtory
