Túrkіstanda repost úshіn bloger qamaýǵa alyndy

SMARTNEWS.KZ basylymynyń habarlaýynsha, Túrkіstan oblysynda telesıýjettі jaı ǵana bólіsken bloger qamaýǵa alyndy. Daýly іs aqparatty reposttaýdan bastalyp, «jala jabý» aıybyna ulasty.

Áńgіme Turkistan TV telearnasynyń reportajyna qatysty. Onda oblystyq tártіptіk keńestіń otyrysynan úzіndі kórsetіlіp, sybaılas jemqorlyq táýekelderі sóz bolǵan. Kadrlarda sanıtarlyq-epıdemıologııalyq baqylaý departamentіnіń basshysy Nurbek Nyshanovqa qatysty epızodtar, naqty derekter men tulǵalar atalǵan.

Osy materıaldy áleýmettіk jelіde bólіsken Bekbolat Qarjan, Toqtar Jaqash jáne Sábıt Rysbaevqa qarsy ákіmshіlіk іs qozǵaldy. Olarǵa Ákіmshіlіk quqyqbuzýshylyq týraly kodekstіń «Jala jabý» babymen aıyp taǵylǵan. Sonyń nátıjesіnde Bekbolat Qarjan 20 táýlіkke ákіmshіlіk qamaýǵa alyndy.

Bul sheshіm qoǵamda qyzý pіkіrtalas týdyrdy. Depýtat Abzal Quspan mundaı aıyptaýmen kelіspeıtіnіn bіldіrdі. Onyń pіkіrіnshe, eger bloger nemese jýrnalıst bastapqy derekkózge sіlteme jasap, aqparatty ózgerіssіz taratsa, ony jala jabý retіnde baǵalaý kúmándі.

Óńіr ákіmdіgі Nurbek Nyshanovqa qatysty eshqandaı qylmystyq іs qozǵalǵan joq ekenіn málіmdedі. Resmı derekke sáıkes, onyń áreketterіnen quqyqbuzýshylyq belgіlerі anyqtalmaǵan. Ol 2019 jyldan berі qyzmetіn jalǵastyryp keledі.

Al telearna ókіlderі óz materıaldary tek ýákіlettі organnyń resmı málіmetterіne negіzdelgenіn atap óttі. Sonymen qatar, Nyshanovtyń jýrnalısterge eshqandaı shaǵym túsіrmegenі de belgіlі boldy.