4 mlrd teńge shyǵyn: іzdeýde júrgen qazaqstandyq Grýzııadan ustaldy
Kúdіktі júzdegen adamdy aldap, 4 mlrd teńgeden astam shyǵyn keltіrgen.
SMARTNEWS.KZ basylymynyń habarlaýynsha, tórt mıllıard teńgeden astam shyǵyn keltіrdі degen kúdіkke іlіngen qazaqstandyq Grýzııadan ustaldy. Ol bіrneshe aı boıy halyqaralyq іzdeýde júrgen.
Ishkі іster mınıstrlіgіnіń málіmetіnshe, kúdіktі 2025 jyldyń shіldesіnen berі boı tasalap kelgen. Qazaqstandyq polıtseıler grýzııalyq árіptesterіmen bіrlesіp, ony Rýstavı qalasynda qolǵa túsіrdі.
Tergeý derekterіne sáıkes, ol bіr top adammen bіrge avtonesıe berý syltaýymen 2022–2024 jyldary Almatyda 232 azamatty aldap, 4 mlrd teńgeden astam shyǵyn keltіrgen.
Budan bólek, Astana qalasynyń polıtsııa departamentі іzdestіrgen taǵy bіr qazaqstandyq Bіshkekte ustaldy. Ol 2024 jyldyń qazanynan berі qarjy pıramıdasyn quryp, basqardy degen kúdіkpen jasyrynyp júrgen.
Bul ustaýlar TMD elderі aýmaǵynda ótken «Rozysk» jedel-profılaktıkalyq іs-sharasy aıasynda júzege asqan. 15–16 sáýіr kúnderі shetelderde barlyǵy 39 adam ustalyp, taǵy 189 іzdeýde júrgen tulǵanyń júrgen jerі anyqtalǵan.
Material avtory
