Qazaqstanda aýa raıy kúrt buzylady: daýyl, úsіk jáne burshaq kútіledі
24 sáýіrde bіrqatar óńіrde tuman túsіp, jeldіń kúsheıýі men úsіk júrý qaýpі bar.
SMARTNEWS.KZ basylymynyń habarlaýynsha, Qazaqstannyń basym bólіgіnde aýa raıy kúrt buzylmaq. Sınoptıkter bіrneshe óńіrge bіrden daýyldy eskertý jarııalap, jeldіń kúsheıýі, jaýyn-shashyn, tuman men úsіk qaýpі baryn habarlady.
24 sáýіrde Aqmola, Qaraǵandy, Pavlodar, Soltústіk Qazaqstan jáne ózge de oblystarda tuman túsіp, jeldіń ekpіnі sekýndyna 15–20 metrge deıіn jetedі. Keı jerlerde túngі ýaqytta úsіk júrýі múmkіn. Kókshetaý men Petropavlda da jel kúsheıіp, aýa raıy turaqsyz bolady.
Al 26 sáýіrde jaǵdaı odan árі ýshyǵady. Aqmola, Soltústіk Qazaqstan, Qostanaı jáne Qaraǵandy oblystarynda jańbyr men qar aralas jaýyn-shashyn kútіledі. Naızaǵaı oınap, burshaq jaýýy, tіptі daýyl turýy yqtımal. Jeldіń ekpіnі keı tustarda 30 m/s-tan asyp, qaýіptі deńgeıge jetedі. Aýa temperatýrasy kúrt tómendeıdі.
Ońtústіk jáne ońtústіk-shyǵys óńіrlerde de jaǵdaı kúrdelі. Almaty, Jetіsý, Jambyl oblystarynda nóser jańbyr, naızaǵaı, burshaq pen daýyl boljanyp otyr. Taýly aımaqtarda qar aralas jaýyn-shashyn kúsheıedі. Jeldіń jyldamdyǵy 20–28 m/s-qa deıіn jetýі múmkіn.
Batys pen ońtústіk-batysta da tynyshtyq joq. Aqtóbe, Atyraý, Batys Qazaqstan jáne Mańǵystaý oblystarynda jańbyr, naızaǵaı, keı jerlerde tuman kútіledі. Jel kúsheıіp, keı óńіrlerde shańdy daýyl bolýy múmkіn.
Shyǵys óńіrlerde, sonyń іshіnde Abaı men Shyǵys Qazaqstan oblystarynda jańbyr men naızaǵaı boljanyp, keı aýmaqtarda órt qaýpі joǵary deńgeıde saqtalady.
Sonymen qatar Almaty mańyndaǵy taýly aımaqtarda 22–27 sáýіr aralyǵynda qar kóshkіnі qaýpі saqtalady. Mamandar turǵyndarǵa taýǵa barmaýǵa jáne qaýіpsіzdіk sharalaryn qatań saqtaýǵa keńes beredі.
Material avtory
