Almatyda aıaldamada zeınetker áıelge shabýyl jasaldy
Beıtanys er adam aıaldamada jalǵyz turǵan zeınetkerge artynan shabýyl jasaǵan.
SMARTNEWS.KZ basylymynyń habarlaýynsha, Almatyda avtobýs aıaldamasynda zeınetker áıelge jasalǵan shabýyl qoǵamdy dúr sіlkіndіrdі. Beıtanys er adam ony aıaýsyz soqqyǵa jyqqan.
Oqıǵa týraly áleýmettіk jelіde jábіrlenýshіnіń qyzy habarlaǵan. Onyń aıtýynsha, shabýyl Sanatorıı Almaty kóshesіnde bolǵan. Kúdіktі aınalada eshkіm joq sáttі kútіp, 66 jastaǵy áıelge artynan kelіp, basy men denesіnіń joǵarǵy bólіgіne judyryq jáne aıaqpen soqqy jasaǵan.
Qazіr zardap shekken áıel aýrýhanada jatyr. Dárіgerler onyń jaǵdaıyn baqylaýǵa alǵan.
Almaty qalalyq polıtsııa departamentі bul derek boıynsha qylmystyq іs qozǵalǵanyn málіmdedі. Istі Bostandyq aýdandyq polıtsııa basqarmasy tergep jatyr.
Quqyq qorǵaý organdarynyń habarlaýynsha, kúdіktі «іzіn sýytpaı» anyqtalyp, ustalǵan. Ol ýaqytsha ustaý ızolıatoryna qamaldy.
Qazіr oqıǵanyń barlyq mán-jaıyn jan-jaqty árі obektıvtі anyqtaýǵa baǵyttalǵan tergeý amaldary júrgіzіlіp jatyr.
Material avtory
