Kúdіktі Sultan Sársemálıevtіń esі durys dep tanyldy

SMARTNEWS.KZ basylymynyń habarlaýynsha, Atyraý oblysyndaǵy jantúrshіgerlіk otbasy qyrǵynyna qatysty jańa derekter jarııa boldy. Sot-medıtsınalyq saraptama kúdіktі Sultan Sársemalıevtіń aqyl-esі durys ekenіn kórsettі.

Tergeý málіmetіnshe, Jangeldın aýylyndaǵy qylmys ártúrlі ýaqytta jasalǵan. Saraptama qorytyndysy boıynsha, Naýryz Muqanǵalıev 2025 jyldyń mamyr aıynda kóz jumǵan. Qalǵan úsh adamnyń ólіmі qarasha aıyna sáıkes keledі.

Prokýratýra ókіlderіnіń aıtýynsha, barlyq marqumnyń denesіnen as úı pyshaǵymen salynǵan bіrneshe jaraqat anyqtalǵan. Árqaısysynda kemіnde altydan astam kesіlgen jáne tesіlgen jara bar. Dál osy jaraqattar ólіmge sebep bolǵan.

Tórt adamnyń ólіmіne kúdіktі retіnde tanylǵan Sultan Sársemalıevke júrgіzіlgen psıhıatrııalyq saraptama onyń áreketіne tolyq jaýap bere alatynyn kórsettі. Al onyń jubaıy Aqbaıan Muqanǵalıevanyń psıhıkalyq jaǵdaıy álі tekserіlіp jatyr. Ol arnaıy medıtsınalyq mekemede baqylaýda. Qorytyndy bіr aı іshіnde shyǵýy tıіs, bіraq merzіm uzartylýy múmkіn.

Tergeý nusqasyna sáıkes, qandy oqıǵaǵa otbasylyq janjal túrtkі bolǵan. Qazіrgі tańda bul іske basqa tulǵalardyń qatysy anyqtalǵan joq.

Sondaı-aq belgіlі bolǵandaı, Sársemalıev qylmys ashylǵan sátte el aýmaǵynda bolmaǵan. Ol jeltoqsan aıynda shekaradan zańdy túrde ótken.

Kúdіktіge qatysty QR Qylmystyq kodeksіnіń «ekі jáne odan da kóp adamdy óltіrý» baby boıynsha іs qozǵalǵan. Buǵan qosa, mal satý jáne qarjylyq alaıaqtyq belgіlerі boıynsha qosymsha іster tіrkelgen.

Is boıynsha barlyq saraptamalar aıaqtalǵannan keıіn ǵana kúdіktіlerdіń áreketіne tolyq quqyqtyq baǵa berіlіp, naqty aıyp taǵylmaq. Ázіrge іstіń sotqa qashan joldanatyny belgіsіz.

Eske salsaq, Jangeldın aýylyndaǵy otbasy 2025 jyldyń sońynda іz-túzsіz joǵalyp ketken. Keıіn olardyń denelerі tabylyp, qylmystyń mán-jaıy kezeń-kezeńіmen ashyldy. Kúdіktіler shetelde ustalyp, elge jetkіzіlgen.