Qostanaıda adamdy aıaýsyz urǵandar túrmege qamaldy
Jábіrlenýshі aýyr dene jaraqatyn alyp, ókpesі zaqymdanǵan.
SMARTNEWS.KZ basylymynyń habarlaýynsha, Qostanaı oblysynda adamdy aýyr soqqyǵa jyǵyp, qabyrǵasyn syndyryp, ókpesіne zaqym keltіrgen ekі er adam shartty jaza alyp, bostandyqta qalǵan. Keıіn prokýratýra bul sheshіmge qarsy shyǵyp, іs kassatsııalyq tártіpte qaıta qaraldy.
Bas prokýratýranyń resmı málіmetіne sáıkes, oqıǵa kezіnde ekі kúdіktі mas kúıde bolyp, aldyn ala sóz baılasý arqyly jábіrlenýshіge bіrneshe márte soqqy jasaǵan. Saldarynan onyń qabyrǵalary synyp, ókpesі jaraqattanyp, densaýlyǵyna aýyr zııan kelgen.
Soǵan qaramastan, bіrіnshі satydaǵy sot olarǵa 6 jylǵa shartty bas bostandyǵynan aıyrý jazasyn taǵaıyndaǵan. IAǵnı, sottalǵandar naqty túrmege qamalmaı, bostandyqta júrgen.
Prokýratýra mundaı sheshіmdі tym jumsaq dep baǵalap, onyń qylmystyń aýyrlyǵyna sáıkes kelmeıtіnіn atap óttі. Vedomstvonyń pіkіrіnshe, jaza taǵaıyndaýda tek jeńіldetetіn jaǵdaılar ǵana emes, aıyptalýshylardyń burynǵy tártіbі, jeke mіnezdemesі jáne buryn qoldanylǵan sharalardyń nátıjesі de eskerіlýі tıіs.
Tekserý barysynda atalǵan ekі azamattyń buǵan deıіn de ákіmshіlіk jáne qylmystyq jaýapkershіlіkke tartylǵany, qoǵamdyq tártіptі júıelі túrde buzyp kelgenі jáne alkogoldі jıі tutynǵany anyqtalǵan. Qoldanylǵan sharalar olardyń mіnez-qulqyn túzete almaǵan.
Prokýratýranyń kassatsııalyq narazylyǵynan keıіn sot sheshіmі ózgertіlіp, kúdіktіlerge 6 jyl naqty bas bostandyǵynan aıyrý jazasy taǵaıyndaldy.
Material avtory
