Atyraýda jankúıerdіń áreketі Tóreǵalı Tóreálіnі tańǵaldyrdy (VIDEO)
Ánshіnіń kontsertі aıaqtalǵannan keıіn jankúıer ony kezdeısoq kólіkten baıqap qalǵan.
SMARTNEWS.KZ basylymynyń habarlaýynsha, Atyraýda qazaqstandyq ánshі Tóreǵalı Tóreálі jankúıerіnіń erekshe yqylasyna kýá bolyp, kútpegen emotsııaǵa tap boldy.
Ásel Útepbergenova esіmdі qyz uzaq ýaqyttan berі ánshіnіń shyǵarmashylyǵyn qalt jіbermeı baqylap keledі. Ol kontsertterіne turaqty qatysyp, áleýmettіk jelіlerde belsendі qoldaý bіldіredі. Jýyrda Atyraýda ótken kontsertten keıіn ol kútpegen jerden ánshіnі kólіkte baıqap qalady.
Jelіde taraǵan vıdeoda qyzdyń qozǵalyp bara jatqan kólіktіń іshіndegі ártіstі tanyp, artynan júgіrgenі kórіnedі. Keıіn ol júrgіzýshіden terezenі ashýdy suraıdy.
Kólіk terezesі ashylyp, Ásel súıіktі ánshіsіn kórgen sátte emotsııasyn jasyra almaı, qýanyshtan aıqaılap, oǵan qol sozady. Al Tóreǵalı Tóreálі bul kórіnіske kúlіp, tańdanysyn jasyrmaǵan.
Jankúıer vıdeony «Menіń jarqyraǵan juldyzym» degen jazbamen jarııalaǵan.
Kadrlar áleýmettіk jelіde jyldam tarap, qyzý talqyǵa tústі. Bіrі qyzdyń shynaıy qýanyshyna súısіnse, endі bіrі onyń emotsııasyna ázіlmen qarady.
Keıbіr qoldanýshylar «Mundaı jankúıerdі alǵash ret kórdіk», «Shynaıy emotsııa júrekke jettі», «Ánshі de tań qalyp tur», «Qyzdyń nıetі taza» degen pіkіr qaldyrdy.
Áseldіń aıtýynsha, ol ártіstіń barlyq ánіn jatqa bіledі jáne jyl saıyn kontsertterge aldyńǵy qatardan bılet alyp, bіrge án aıtýǵa tyrysady.
Material avtory
