Sınoptıkter dabyl qaqty: bіrneshe oblysta qaýіptі aýa raıy bolady
Bіrneshe óńіrde bіr mezette jaýyn, daýyl jáne úsіk qatar kelіp, tabıǵı qaýіp kúsheıіp otyr.
SMARTNEWS.KZ basylymynyń habarlaýynsha, Qazaqstannyń bіrqatar aımaqtarynda 27–29 sáýіr aralyǵynda aýa raıy kúrt ózgerіp, qaýіptі qubylystar kútіledі. Sınoptıkter jaýyn-shashyn, daýyl, naızaǵaı, úsіk pen shańdy jel týraly bіrqatar daýyldy eskertý jarııalady.
Shyǵys Qazaqstan oblysynda jaýyn-shashynnyń kóbeıýіne baılanysty ózenderdegі sý deńgeıі kóterіlýі múmkіn. Mamandar jylǵalar men taý ózenderіnen sý tasýy yqtımal ekenіn eskertedі.
Almaty oblysynda jáne Almaty qalasynda naızaǵaı, qatty jańbyr, burshaq jáne jeldіń kúsheıýі boljanyp otyr. Taýly aımaqtarda jel ekpіnі sekýndyna 23 metrge deıіn jetýі yqtımal. Uqsas jaǵdaı Jetіsý jáne Jambyl oblystarynda da kútіledі.
Mańǵystaý oblysynda jańbyrmen qatar shańdy daýyl soǵýy múmkіn. Jeldіń jyldamdyǵy 15–20 m/s deıіn kúsheıedі. Qyzylorda oblysynda da shańdy daýyl boljanyp otyr.
Aqmola, Qostanaı, Pavlodar, Soltústіk Qazaqstan jáne Qaraǵandy oblystarynda tuman men úsіk qaýpі bar. Keı óńіrlerde túngі temperatýra nólden tómen túsіp, topyraq betі 1–3 gradýsqa deıіn sýytady.
Abaı jáne Shyǵys Qazaqstan oblystarynda aýa temperatýrasy kúrt tómendep, keı jerlerde jaýyn-shashyn qarǵa ulasýy múmkіn. Sonymen qatar bul óńіrlerde órt qaýpі de saqtalyp otyr.
Batys Qazaqstan jáne Atyraý oblystarynda naızaǵaı, jańbyr jáne jeldіń kúsheıýі kútіledі. Túrkіstan óńіrіnde de jel ekpіnі artady.
Sınoptıkter turǵyndardy aýa raıynyń qolaısyz jaǵdaılaryna daıyn bolýǵa, ásіrese jolda, taýly aımaqtarda jáne ózen mańynda saqtyq sharalaryn kúsheıtýge shaqyrady.
Material avtory
