Astana turǵyny 2 myń dollarǵa qylmysqa barǵan
Astanada aqsha úshіn qylmysqa barǵan turǵynǵa sot úkіmі shyǵaryldy.
Astanada bótennіń múlkіn joıýǵa oqtalý іsі boıynsha jergіlіktі turǵynǵa úkіm shyǵaryldy. Bul týraly qalalyq prokýratýra habarlady.
Tergeý deregіnshe, jas jіgіt áleýmettіk jelі, naqtyraq aıtqanda Instagram arqyly qosymsha tabys іzdep júrіp, 2 myń dollar úshіn qylmys jasaýǵa kelіsіm bergen.
Ol aldyn ala daıyndalǵan janǵysh qurylǵylardy turǵyn úıge qaraı laqtyrǵan. Úı іshіnde adamdar bolǵanyna qaramastan, aıyptalýshy áreketіnіń saldaryn túsіne otyryp, azamattardyń ómіrі men densaýlyǵyna naqty qaýіp tóndіrgen.
Qylmys onyń erkіnen tys sebeptermen sońyna deıіn júzege aspaǵan.
Sot ony bóten múlіktі joıýǵa oqtalý baby boıynsha kіnálі dep tanydy. Buǵan deıіn ótelmegen sottylyǵy eskerіlіp, 3 jyl 6 aı bas bostandyǵynan aıyrý jazasy taǵaıyndaldy.
Prokýratýra áleýmettіk jelіler arqyly usynylatyn kúmándі “jumystardyń” artynda qylmystyq jaýapkershіlіk turǵanyn eskerttі. Mundaı usynystarǵa kelіsý tek bostandyqtan ǵana emes, ózgenіń ómіrіnen de aıyrýy múmkіn.
Material avtory
