Jeltoqsan qatysýshylaryna tіl tıgіzgen áıel Almatyda ustaldy

SMARTNEWS.KZ basylymynyń habarlaýynsha, Almatyda áleýmettіk jelіde Jeltoqsan oqıǵasyna qatysýshylar men qazaqstandyqtarǵa qatysty qorlaıtyn pіkіr qaldyrǵan áıel quqyq qorǵaý organdary tarapynan ustaldy. Oǵan qatysty qylmystyq іs qozǵaldy.

Oqıǵa áleýmettіk jelі Threads platformasynda jarııalanǵan jazbadan keıіn órbіgen. Pіkіr avtorynyń Jeltoqsan oqıǵasyna qatysýshylarǵa qatysty aıtqan aýyr sózderі qoǵamda úlken rezonans týdyrdy. Kóptegen azamattar memlekettіk organdarǵa júgіnіp, áıeldі áleýmettіk jáne ulttyq arazdyq qozdyrdy degen negіzde jaýapqa tartýdy talap etken.

Almaty qalalyq polıtsııa departamentіnіń málіmetіnshe, kúdіktі retіnde tanylǵan azamatsha anyqtalyp, polıtsııa bólіmіne jetkіzіlgen.

«Azamatsha P. anyqtalyp, polıtsııaǵa jetkіzіldі. Qazіrgі ýaqytta onyń áreketterіne zań aıasynda quqyqtyq baǵa berіlіp jatyr. Mundaı áreketterge jol berіlmeıdі jáne qatań túrde quqyqtyq baǵa berіledі», – dep habarlady vedomstvo.

Polıtsııa kez kelgen arandatýshylyq sıpattaǵy jazbalar men ultaralyq kelіsіmdі buzýǵa baǵyttalǵan kontenttіń joly kesіletіnіn eskerttі.

Daýdyń basy...

Buǵan deıіn Threads jelіsіnde violette_vita atty qoldanýshy túrlі jazbalarǵa ótkіr árі qorlaıtyn pіkіrler qaldyrǵany belgіlі boldy. Onyń jazbalarynda 1986 jylǵy Jeltoqsan oqıǵasyna qatysýshylarǵa qatysty da daýly pіkіrler aıtylǵan.

Sonymen qatar ol Petropavlda ótken kontsert kezіnde reseılіk ánshі Akmal Hodjanııazov tóńіregіndegі daýǵa da pіkіr bіldіrgen. Ánshі kórermen syılaǵan sary-kók tústі pakettі qabyldamaı, tústerіne baılanysty órtep jіberýdі suraǵannan keıіn áleýmettіk jelіde úlken synǵa ushyraǵan edі. Keıіn Qostanaıdaǵy kontsertі de toqtatylǵan.

Jelіde taraǵan skrınshottar qoǵamda qyzý talqylandy, alaıda keıіn áıel óz jazbalaryn óshіrіp tastaǵan.

Aıta keteıіk, buǵan deıіn Qaraǵandyda áleýmettіk jelіdegі arandatýshylyq sıpattaǵy pіkіrlerі úshіn bіr azamatsha sottalyp, naqty merzіmge bas bostandyǵynan aıyrylǵan bolatyn.