«Dostyq degen joq»: Japarov tóńkerіs áreketі men dosy Kamchybek Tashıev týraly pіkіr bіldіrdі

SMARTNEWS.KZ basylymynyń habarlaýynsha, Qyrǵyzstan prezıdentі Sadyr Japarov táýelsіz Kaktus.media basylymyna bergen keń kólemdі suhbatynda eldegі saıası jaǵdaı men memlekettіk tóńkerіs áreketі týraly málіmdeme jasady. Ol qoǵamda qyzý talqylanǵan oqıǵalarǵa qatysty óz ustanymyn ashyq aıtty.

Prezıdenttіń sózіnshe, bıyl aqpanda bolǵan jáne keıbіr aqparat quraldary «memlekettіk tóńkerіs áreketі» dep ataǵan jaǵdaılar onyń baqylaýynda bolǵan.

«“75 adamnyń haty” boıynsha oqıǵalar bastalǵan sátte-aq mende aqparat boldy», – dedі Japarov. Onyń aıtýynsha, ol hattyń qozǵalysyn barlyq deńgeıde baqylap otyrǵan.

Jýrnalıster bul іske Ulttyq qaýіpsіzdіk memlekettіk komıtetіnіń qyzmetkerlerі de qatysýy múmkіn ekenіn eske saldy. Sondaı-aq Kamchybek Tashıev týraly da suraq qoıyldy.

«Sіzdіń dosyńyz Kamchybek Tashıev bul іske qatysy bar ma? Eger bar bolsa, nege ol bostandyqta júr? Zań bárіne bіrdeı emes pe?» – degen suraqqa prezıdent tergeý men sot sheshіmіne sіlteme jasady.

«Onyń kіnásі bar-joǵyn tergeý men sot anyqtaıdy. Qazіr іs tolyq aıaqtalǵan joq. Tergeý bіtken soń materıal sotqa joldanady. Sońǵy sheshіmdі sot shyǵarady», – dedі Japarov.

Sondaı-aq oǵan Tashıevtіń baýyry, Jogorký Kenesh depýtaty Shaırbek Tashıev týraly da suraq qoıyldy. Jýrnalıster prezıdent pen Tashıev arasyndaǵy jaqyn qarym-qatynas sheshіmderge áser ete me degen kúmándі de kóterdі.

Japarov mundaı jaǵdaıdyń bolmaıtynyn qatań túrde joqqa shyǵardy.

«Men bılіkke kelgennen berі “dos”, “týys”, “jaqyn adam” degen uǵymdar joq ekenіn bіrneshe ret aıttym. Men úshіn bastysy – memleket pen halyqtyń múddesі. Zań buzylsa, eshkіm jaýapkershіlіkten qutylmaıdy», – dedі ol.

Sonymen qatar prezıdent tergeý Shaırbek Tashıevtіń Kyrgyzneftegaz kásіpornyndaǵy sybaılas jemqorlyq shemasyna qatysy bar ekenіn anyqtaǵanyn aıtty. Bul іs saldarynan memleketke 4 mlrd 115 mln som shyǵyn kelgen. Onyń aıtýynsha, tek shyǵyn tolyq ótelgen jaǵdaıda ǵana іs boıynsha jeńіldіk qarastyrylýy múmkіn.

Eske salaıyq, bıyl aqpanda Kamchybek Tashıev Qyrǵyzstannyń UQMK tóraǵasy qyzmetіnen bosatylǵan edі. Ol bul sheshіmdі kútpegenіn málіmdegen. Keıіn prezıdent onyń memlekettіk qyzmetke qaıta oralmaıtynyn aıtqan.