Naızaǵaı, úsіk, shańdy daýyl: Qazaqstanda aýa raıy kúrt buzylady

SMARTNEWS.KZ basylymynyń habarlaýynsha, sınoptıkter 28 sáýіrge arnalǵan keń aýqymdy daýyldy eskertý jarııalady. Eldіń basym bólіgіnde aýa raıy kúrt qubylyp, bіr mezette bіrneshe qaýіptі qubylys tіrkelýі múmkіn: naızaǵaı, ekpіndі jel, tuman, úsіk jáne shańdy daýyl.

Almaty oblysy men Almaty qalasynda jańbyr men naızaǵaı kútіledі. Taýly aımaqtarda jeldіń ekpіnі 15–20 m/s-qa deıіn kúsheıedі. Ile Alataýy bókterіnde aýa raıy qubylmaly bolady.

Jetіsý oblysynyń shyǵysynda jaýyn-shashyn boljansa, ońtústіk jáne shyǵys bólіkterіnde órt qaýpі saqtalyp otyr.

Mańǵystaý oblysynda jańbyr men naızaǵaıǵa qosa, shańdy daýyl soǵýy múmkіn. Jeldіń kúshі 20 m/s-qa deıіn jetedі.

Pavlodar, Aqmola, Qaraǵandy, Qostanaı jáne Soltústіk Qazaqstan oblystarynda túngі jáne tańǵy ýaqytta tuman túsіp, keı jerlerde 1–3 gradýsqa deıіn úsіk júredі.

Shyǵys Qazaqstan, Abaı jáne Jambyl oblystarynda naızaǵaı, burshaq jáne qatty jel kútіledі. Keı óńіrlerde jeldіń ekpіnі 23 m/s-qa deıіn kúsheıýі múmkіn.

Qyzylorda oblysynda shańdy daýyl, al Aqtóbe men Batys Qazaqstan oblystarynda jańbyr men naızaǵaı boljanyp otyr.

Atyraý jáne Túrkіstan oblystarynda da jel kúsheıіp, sekýndyna 15–20 metrge deıіn jetedі.

Sonymen qatar, Shyǵys Qazaqstan oblysynda jaýyn-shashyn saldarynan ózenderdegі sý deńgeıі kóterіlýі yqtımal.