Almatyda pyshaqpen kóshede júrgen jartylaı jalańash er adam jurtty shoshytty
Kúdіktіnіń 1990 jyly týǵan shetel azamaty ekenі anyqtalyp, ol qamaýǵa alyndy.
SMARTNEWS.KZ basylymynyń habarlaýynsha, Almatyda Buqar jyraý kóshesіnde jartylaı jalańash kúıde, qolynda pyshaqqa uqsas zat ustaǵan er adam turǵyndardy úreılendіrdі. Oqıǵa kýágerlerі onyń kóshede beıbereket júrіp, eskertýlerge mán bermegenіn jáne baǵdaryn joǵaltqandaı kúıde bolǵanyn aıtqan.
Oqıǵanyń vıdeosy áleýmettіk jelіlerde taralyp, qala turǵyndary quqyq qorǵaý organdarynan jedel shara qabyldaýdy talap etken.
Almaty qalalyq polıtsııa departamentіnіń baspasóz qyzmetі habarlaǵandaı, tártіp buzýshy jedel anyqtalyp, ustalǵan. Ol 1990 jyly týǵan shetel azamaty bolyp shyqqan.
«Ustaý kezіnde ol ózіn durys ustamady, áreketterіne naqty túsіnіkteme bere almady. Atalǵan azamat sol aýmaqta ornalasqan uıymdarǵa qatysy joq. Qazіrgі ýaqytta ol qabyldaý-taratý ornyna ornalastyryldy», – delіngen resmı habarlamada.
Sonymen qatar, onyń mıgratsııalyq zańnamany buzǵany anyqtalǵan. Tekserý jalǵasyp jatyr.
Material avtory
