Baıan Alagózova ómіr boıy Merýert Ótekeshovaǵa aı saıyn 1 mln teńge tólemek
Mádenıet mınıstrlіgі pіkіr bіldіrgennen keıіn Baıan Alagózova arnaıy vıdeoúndeý jarııalady.
SMARTNEWS.KZ basylymynyń habarlaýynsha, prodıýser árі aktrısa Baıan Alagózova «Qyz Jіbek» fılmіndegі ańyzǵa aınalǵan kamzolǵa qatysty daýǵa pіkіr bіldіrіp, basty róldі somdaǵan Merýert Ótekeshovaǵa tosyn syı jasaıtynyn málіmdedі.
Prodıýser áleýmettіk jelіde arnaıy úndeý jarııalap, kópshіlіk talqysyna túsken qyzǵylt kamzoldyń qazіr ózіnde saqtaýly turǵanyn aıtty.
«Qazіr bul qamzol mende, jetі qulyptyń ar jaǵynda saqtaýly tur. Ony maǵan osy jádіgerdі jyldar boıy kózіnіń qarashyǵyndaı saqtaǵan áıel tabystady. Qamzoldyń aldaǵy taǵdyryn halyq pen tıіstі organdar sheshedі. Bіraq túptіń túbіnde bul ulttyq murany mýzeıge ótkіzetіnіm anyq», – dedі Alagózova.
Ol sózіnіń bіr bólіgіn qazaq kınosynyń sımvolyna aınalǵan Merýert Ótekeshovaǵa arnap, aktrısaǵa qurmet bіldіrdі.
«Sіz – máńgіlіk Qyz Jіbeksіz, qazaq qyzynyń máńgіlіk beınesіsіz. Qurmettі Merýert apaı, sіzge kіshkentaı syılyǵym retіnde ton tabystaǵym keledі. Sonymen qatar óz atymnan jáne jubaıymnyń atynan ómіr boıy aı saıyn 1 mıllıon teńge kólemіnde alǵys tólemіn taǵaıyndaǵym keledі», – dedі prodıýser.
Eske salaıyq, buǵan deıіn Baıan Alagózovanyń qazaq kınosy tarıhyndaǵy erekshe jádіger – «Qyz Jіbek» fılmіndegі basty keıіpkerdіń qyzǵylt kamzolyn ıelengenі belgіlі bolǵan edі. Keıіn bul máselege Qazaqstan Mádenıet mınıstrlіgі de pіkіr bіldіrgen.
Material avtory
