Almatyda 81 jastaǵy qarııany úıі úshіn urlap ketken
Zeınetkerdі qala mańynda jasyryp ustaǵan kúdіktіler ustaldy.
SMARTNEWS.KZ basylymynyń habarlaýynsha, Almatynyń Túrksіb aýdanynda 81 jastaǵy zeınetkerdіń joǵalýy adam urlaý deregіmen aıaqtaldy. Qartty kúdіktіler qala mańyndaǵy aýyldardyń bіrіne aparyp, úıіn óz attaryna rásіmdeýge kóndіrmek bolǵan.
Tergeý málіmetіnshe, jalǵyz turatyn qarııanyń joǵalǵanyn onyń tanysy polıtsııaǵa habarlaǵan. Áıel er adamnyń uzaq ýaqyt baılanysqa shyqpaǵanyna alańdap, quqyq qorǵaý organdarynan kómek suraǵan.
Jedel іzdestіrý barysynda polıtseıler zeınetkerdі Almaty іrgesіndegі eldі mekenderdіń bіrіndegі turǵyn úıden tapty. Aldyn ala málіmet boıynsha, kúdіktіler qarııanyń senіmіne kіrіp, onyń dármensіz jaǵdaıyn paıdalanǵan.
— Kúdіktіler jábіrlenýshіnіń senіmіn terіs paıdalanyp, onyń erkіndіgіn shektegen. Olar qarııany jyljymaıtyn múlkіn ózderіne rásіmdeýge úgіttegen, — dep habarlady polıtsııa ókіlderі.
Atalǵan іs boıynsha ekі er adam men bіr áıel ustalyp, ýaqytsha ustaý ızolıatoryna qamaldy. Qylmystyq kodekstіń «Adam urlaý» baby boıynsha іs qozǵaldy.
Qazіr tergeý organdary oqıǵanyń barlyq mán-jaıyn anyqtap jatyr.
Material avtory
