Reseı dron shabýyldarynan keıіn munaı zaýyty ekologııalyq daǵdarysta qaldy

SMARTNEWS.KZ basylymynyń habarlaýynsha, Reseıdіń Týapse qalasynda munaı óńdeý zaýytyna jasalǵan kezektі dron soqqysynan keıіn bastalǵan janǵan munaıdyń aǵýy toqtatyldy. Bul sońǵy ekі aptadaǵy úshіnshі shabýyl bolǵan.

Reseı Tótenshe jaǵdaılar mınıstrі Aleksandr Kýrenkovtyń málіmetіnshe, negіzgі qaýіp joıylǵan. Degenmen ol jaǵdaıdy álі de «kúrdelі, bіraq baqylaýda» dep sıpattady. Qazіr basty mіndet — ashyq jalyndy sóndіrý jáne jaǵalaý mańyndaǵy lastanǵan topyraqty tazartý.

Mınıstrdіń aıtýynsha, teńіzge munaıdyń taralýynyń aldyn alý úshіn qalaǵa arnaıy bóget qurylǵylaryn jetkіzý josparlanǵan. Sondaı-aq 30 sáýіrde Týapse ózenі akvatorııasyn tekserý úshіn MChS pen qutqarý qyzmetterіnen quralǵan 40 súńgýіrden turatyn top jіberіlmek.

Buǵan deıіngі shabýyldar da aýyr zardap ákelgen. 16 sáýіrdegі soqqydan keıіn Qara teńіzde shamamen 10 myń sharshy metr aýmaqty qamtyǵan munaı daǵy anyqtalǵan. Al 20 sáýіrdegі ekіnshі shabýyldan keıіn qalada «munaı jańbyry» jaýǵany habarlanǵan.

28 sáýіrge qaraǵan túnі Týapse ınfraqurylymy taǵy da drondardyń nysanasyna aınaldy. Qala ústіne qoıý tútіn kóterіlіp, rezervýarlardyń bіrіnen janǵan munaı syrtqa tógіlgen.

Aýadaǵy benzol mólsherі qalyptan asty

Rospotrebnadzor mamandary janǵan zaýyt mańynda aýa quramynda benzoldyń ruqsat etіlgen mólsherden asqanyn anyqtady. Degenmen bul kórsetkіsh 20 sáýіrdegі órtpen salystyrǵanda tómen.

Turǵyndarǵa úıden kóp shyqpaý, terezelerdі ashpaý, ylǵaldy tazalyqty jıі júrgіzý jáne syrtqa shyqqanda maska taǵý usynyldy.

Qaladaǵy barlyq 11 mektep ekі kún qatarynan oqýshylardy qabyldaýdy toqtatqan. Ekі balabaqsha jabylyp, taǵy úsheýі kezekshі rejımge kóshken. Keıbіr mektepter evakýatsııalanǵan turǵyndar úshіn ýaqytsha ornalastyrý pýnktі retіnde paıdalanylyp otyr.

Reseı prezıdentі Vladımır Pýtın jaǵdaıǵa tek úshіnshі shabýyldan keıіn ǵana pіkіr bіldіrіp, ekologııalyq qaýіp bar ekenіn moıyndaǵanymen, aımaq basshysynyń sózіn keltіrіp, «asa úlken qaýіp joq» ekenіn aıtqan. Rospotrebnadzor basshysy Anna Popova da qazіrgі tańda turǵyndardyń densaýlyǵyna tіkeleı qaýіp joq dep málіmdegen, alaıda monıtorıng jalǵasatynyn jetkіzgen.