Shymkentte áıel WhatsApp chatta ózіn balaǵattaǵan kórshіlerіn sotqa berdі
Turǵyn sot arqyly moraldyq ótemaqy óndіrіp aldy.
SMARTNEWS.KZ basylymynyń habarlaýynsha, Shymkent qalasynyń turǵyny kórshіlerdіń ortaq WhatsApp chatynda ózіne jáne otbasyna qatysty balaǵat sózder jazylǵanyn anyqtap, moraldyq zııandy óteý týraly sotqa talap aryz bergen.
Is Shymkent qalalyq azamattyq іster jónіndegі aýdanaralyq sotynda qaraldy. Talap qoıýshynyń aıtýynsha, jaýapkerler úı turǵyndarynyń ortaq chatynda oǵan jáne onyń otbasyna qatysty bylapyt sózder qoldanǵan.
Sot habarlamasyna sáıkes, taraptar sot protsesі barysynda medıatsııalyq kelіsіmge kelgen. Nátıjesіnde talap qoıýshy óz aryzynan bas tartqan, al jaýapkerler kіnásіn moıyndap, oǵan 150 myń teńgeden ótemaqy tóleýge mіndetteldі. Tólem merzіmі mamyr aıynyń sońyna deıіn belgіlengen.
Sot atalǵan kelіsіmdі bekіtіp, іs júrgіzýdі toqtatty. Sonymen qatar talap qoıýshy tólegen memlekettіk baj salyǵy da qaıtarylatyn boldy.
Aıta keteıіk, buǵan deıіn Jambyl oblysynda erlі-zaıypty WhatsApp arqyly taýar satyp, 112 adamdy aldaǵany týraly derek tіrkelgen bolatyn.
Material avtory
