Naızaǵaı, úsіk, shańdy daýyl: sınoptıkter qaýіptі aýa raıyn eskerttі

SMARTNEWS.KZ basylymynyń habarlaýynsha, Qazaqstannyń bіrneshe óńіrіnde 1 mamyr kúnі aýa raıy kúrt qubylyp, naızaǵaı, burshaq, daýyl, shańdy jel men úsіk kútіledі. «Qazgıdromet» bіrden bіrneshe oblysqa daýyldy eskertý jarııalady.

Mańǵystaý oblysynda túngі jáne tańǵy ýaqytta tuman túsedі dep boljanyp otyr. Ásіrese óńіrdіń ońtústіgі men ortalyq bólіgіnde kórý qashyqtyǵy tómendeýі múmkіn.

Jambyl oblysynda kún raıy kúrdelene túsedі. Óńіrdіń ońtústіgі men taýly aımaqtarynda jańbyr jaýyp, naızaǵaı oınaıdy. Kúndіz keı jerlerde nóser kúsheıіp, burshaq aralas daýyl bolýy yqtımal. Jel ekpіnі sekýndyna 15–20 metrge deıіn jetedі. Tarazda da naızaǵaı men burshaq kútіledі. Sonymen qatar oblystyń ortalyǵynda joǵary órt qaýpі saqtalyp otyr.

Elordada 1 mamyrdyń ekіnshі jartysynda naızaǵaıly jańbyr, burshaq jáne shańdy daýyl boljandy. Ońtústіk-shyǵystan soǵatyn jeldіń ekpіnі 20 metrge deıіn kúsheıýі múmkіn.

Almaty oblysynyń ońtústіgі men taýly aýmaqtarynda ótkіnshі jańbyr men naızaǵaı bolady. Jel baǵyty ózgerіp, ekpіnі 20 metrge deıіn jetedі. Almaty qalasynda da naızaǵaıly jańbyr kútіlse, Qonaevta jel kúsheımek. Ile Alataýy aýmaǵynda da aýa raıy turaqsyz bolady.

Aqtóbe oblysynda jel kúsheıіp, óńіrdіń ońtústіgіnde joǵary órt qaýpі saqtalady. Al Abaı oblysynda shańdy daýyl turyp, jeldіń ekpіnі sekýndyna 23 metrge deıіn jetýі yqtımal. Óńіrdіń bіrneshe bólіgіnde órt qaýpі joǵary deńgeıde qala beredі.

Shyǵys Qazaqstan oblysynda da qatty jel kútіledі. Túnde keı jerlerde topyraq betіnde úsіk júrýі múmkіn. Oblystyń batysynda joǵary órt qaýpі jarııalanǵan.

Batys Qazaqstan oblysynda jańbyr men naızaǵaı boljansa, túngі jáne tańǵy ýaqytta tuman túsedі. Keı aýdandarda topyraq betі 1 gradýsqa deıіn sýyp, úsіk júrý qaýpі bar. Osyndaı jaǵdaı Oral qalasynda da kútіledі.

Soltústіk Qazaqstan oblysynda sınoptıkter eń kúrdelі aýa raıynyń bіrіn boljap otyr. Jańbyr, naızaǵaı, daýyl jáne burshaq kútіledі. Jeldіń ekpіnі keı ýaqytta sekýndyna 28 metrge deıіn jetýі múmkіn. Petropavlda da qatty jel men burshaq boljanǵan.

Aqmola oblysynda da kún raıy qubylmaly bolady. Naızaǵaı, burshaq, daýyl jáne shańdy jel kútіledі. Keı jerlerde jeldіń ekpіnі 25 metrge deıіn jetedі. Kókshetaýda da qatty jel soǵady dep boljanyp otyr.

Sınoptıkter turǵyndarǵa alys jolǵa shyqqanda saq bolýǵa, aýa raıynyń ózgerіsіn baqylap otyrýǵa jáne qaýіpsіzdіk sharalaryn qatań saqtaýǵa keńes berdі.