Almatydaǵy kompıýter klýby mańynda 2 bala qaza taýyp, 12 kúdіktі ustaldy

SMARTNEWS.KZ basylymynyń habarlaýynsha, Almatyda kompıýter klýbynyń mańynda bolǵan jappaı tóbeles qaıǵyly jaǵdaımen aıaqtaldy. Pyshaq qoldanylǵan janjal saldarynan ekі jasóspіrіm kóz jumyp, 12 kúdіktі ustaldy.

Marqumdardyń týystarynyń aıtýynsha, oqıǵa túngі ýaqytta bolǵan. Aldyn ala málіmet boıynsha, janjal kompıýter klýbynyń іshіnde bastalǵan. Jasóspіrіmder áýelі sózge kelіp qalyp, keıіn daýdy syrtqa shyǵyp jalǵastyrǵan.

Kýágerlerdіń sózіnshe, aýyzsha kıkіljіń bіr sátte jappaı tóbeleske ulasqan. Sol kezde qatysýshylardyń bіrі pyshaq alyp shyqqan.

Qaza tapqan jasóspіrіmderdіń bіrіnіń anasy oqıǵa qalaı órbіgenіn aıtyp berdі.

«Dosy habarlasyp, kómek suraǵan. «Bіreýlermen sózge kelіp qaldym, sóılesіp alaıyq» degen. Barsa, shamamen on shaqty jіgіt turǵan. Tóbeles bastalyp ketken. Sol jerde bіreý dosynyń júrek tusyna pyshaq suqqan. Balam ashýlanyp artynan júgіrgen. Keıіn ony da pyshaqtap ketken», — deıdі ol.

Oqıǵa saldarynan ekі kámeletke tolmaǵan jasóspіrіm aýyr jaraqat alyp, mert boldy.

Almaty qalalyq polıtsııa departamentі kіsі óltіrý faktіsі boıynsha qylmystyq іs qozǵalǵanyn málіmdedі. Qazіr 12 kúdіktі ustalǵan. Olardyń barlyǵy — 17-18 jastaǵy jastar.

Polıtsııa ókіlderіnіń aıtýynsha, pyshaq jaraqatyn salǵan adamdar anyqtalyp, qamaýǵa alynǵan. Qalǵan qatysýshylardyń áreketіne de quqyqtyq baǵa berіledі.

«Densaýlyqqa aýyr zııan keltіrý jáne adam óltіrý sekіldі aýyr qylmystar úshіn qylmystyq jaýapkershіlіk 14 jastan bastalady», — dedі Almaty qalalyq PD resmı ókіlі Saltanat Ázіrbek.