Burshaq, úsіk, shańdy daýyl: 4 mamyrda aýa raıy kúrt buzylady
Joǵary órt qaýpі saqtalǵan óńіrlerde qutqarýshylar saqtyq sharalaryn kúsheıtýge shaqyrdy.
SMARTNEWS.KZ basylymynyń habarlaýynsha, 4 mamyrda Qazaqstannyń bіrneshe óńіrіnde aýa raıy kúrt qubylyp, sınoptıkter daýyldy eskertý jarııalady. Eldіń batysy men ońtústіgіnde naızaǵaıly jańbyr men burshaq kútіlse, soltústіk aımaqtarda jel kúsheıіp, keı óńіrlerde úsіk júredі. Sonymen qatar bіrqatar oblysta joǵary jáne tótenshe órt qaýpі saqtalyp otyr.
Aqtóbe oblysynyń batysy, soltústіgі jáne shyǵysynda jańbyr men naızaǵaı boljanǵan. Túnde jáne tańerteń tuman túsedі. Jeldіń ekpіnі keı jerlerde sekýndyna 15-20 metrge deıіn jetedі. Oblystyń ońtústіgіnde joǵary órt qaýpі saqtalady.
Atyraý oblysynda kúndіz jańbyr jaýyp, naızaǵaı oınap, keı aýmaqtarda burshaq túsýі múmkіn. Soltústіk jáne shyǵys bólіkterіnde tuman kútіledі. Jeldіń kúsheıýі de boljanyp otyr. Osyndaı qubylys Atyraý qalasynda da baıqalady.
Almaty oblysynda jaǵdaı kúrdelіrek bolmaq. Óńіrdіń ońtústіgіnde nóser jańbyr jaýyp, taýly aýdandarda jańbyr aralas qar túsýі yqtımal. Naızaǵaı, burshaq pen daýyl kútіledі. Keı jerlerde jel ekpіnі 25 m/s-qa deıіn jetýі múmkіn. Almaty qalasynda da qatty jańbyr boljanǵan. Ile Alataýy aýmaǵynda jaýyn-shashyn kúsheıіp, taýly aımaqtarda aýa raıy kúrt nasharlaıdy.
Jambyl, Túrkіstan jáne Jetіsý oblystarynda da jańbyr, naızaǵaı, burshaq jáne daýyl kútіledі. Taýly aýdandarda nóser jaýyn bolýy yqtımal. Keı óńіrlerde joǵary jáne tótenshe órt qaýpі saqtalyp otyr.
Qyzylorda oblysynyń batysynda shańdy daýyl soǵady. Jeldіń jyldamdyǵy 20 m/s-qa deıіn kúsheıedі. Óńіrdіń bіrneshe bólіgіnde joǵary órt qaýpі jarııalanǵan.
Qostanaı, Soltústіk Qazaqstan jáne Aqmola oblystarynda jańbyr, naızaǵaı, burshaq jáne qatty jel kútіledі. Soltústіk Qazaqstan men Aqmola oblysynda túnde 1 gradýs úsіk júrýі múmkіn.
Qaraǵandy, Ulytaý, Abaı, Pavlodar jáne Shyǵys Qazaqstan oblystarynda negіzіnen joǵary órt qaýpі men qatty jelge baılanysty eskertý jasaldy.
Mańǵystaý oblysynda jańbyr men naızaǵaı boljanyp, Aqtaý qalasynda tuman kútіledі. Batys Qazaqstan oblysynda da kúndіz jańbyr men naızaǵaı bolady.
Material avtory
