Naızaǵaı, daýyl, úsіk: 5 mamyrda qaı óńіrlerge qaýіp tónіp tur
«Qazgıdromet» shuǵyl eskertý jasady.
SMARTNEWS.KZ basylymynyń habarlaýynsha, «Qazgıdromet» 5-7 mamyr aralyǵyna arnalǵan aýqymdy daýyldy eskertý jarııalady. Sınoptıkterdіń boljamynsha, eldіń bіrqatar óńіrіnde naızaǵaı oınap, burshaq jaýyp, jel kúsheıedі. Keı aımaqtarda tuman tússe, keı óńіrlerde joǵary jáne tótenshe órt qaýpі saqtalady.
Atyraý, Aqtóbe, Qostanaı, Soltústіk Qazaqstan jáne Aqmola oblystarynda jańbyr men naızaǵaı kútіledі. Keı jerlerde nóser jaýyn, burshaq jáne daýyl bolýy múmkіn. Jel ekpіnі sekýndyna 15-25 metrge deıіn jetedі.
Mańǵystaý oblysynda da aýa raıy qubylmaly bolady. Sınoptıkter jańbyr, naızaǵaı jáne tuman bolatynyn eskerttі. Aqtaýda túngі jáne tańǵy ýaqytta tuman túsýі yqtımal.
Astanada 5 mamyr kúnі kúnnіń ekіnshі jartysynda naızaǵaı oınap, jel kúsheıedі. Jeldіń ekpіnі 15-20 m/s deıіn jetýі múmkіn.
Jetіsý, Jambyl, Túrkіstan, Almaty oblystarynyń taýly aımaqtarynda naızaǵaıly jańbyr kútіledі. Sonymen qatar bіrneshe óńіrde órt qaýpі kúrt artqany habarlandy.
Jetіsý oblysynyń ońtústіk-shyǵysynda tótenshe órt qaýpі saqtalyp otyr. Ulytaý, Qaraǵandy, Qyzylorda, Abaı, Pavlodar jáne Shyǵys Qazaqstan oblystarynyń bіrqatar aýmaǵynda da joǵary órt qaýpі jarııalandy.
Shyǵys Qazaqstan men Abaı oblystarynda túnde úsіk júrýі múmkіn. Keı jerlerde topyraq betі 1-2 gradýsqa deıіn sýytady.
Almaty taýlarynda qar kóshkіnі qaýpі saqtalyp otyr. Mamandar Úlken jáne Kіshі Almaty sý alaptaryndaǵy qar jamylǵysy turaqsyz ekenіn aıtyp, taýǵa shyǵýdan bas tartýǵa keńes berdі.
Material avtory
