Almaty áýejaıyndaǵy sý basýdan keıіn basshylyq jazaǵa tartyldy
Endі sý basqan termınal alty aı boıy jóndeledі.
SMARTNEWS.KZ basylymynyń habarlaýynsha, Almaty halyqaralyq áýejaıyndaǵy termınaldy sý basý oqıǵasynan keıіn áýejaı ákіmshіlіgі jaýapkershіlіkke tartyldy. Qatty nóser kezіnde shatyrdan sý ketіp, jolaýshylar aımaǵyn sý basqan edі.
Azamattyq avıatsııa komıtetіnіń málіmetіnshe, 3 mamyr kúnі Almatyda jaýǵan nóser saldarynan halyqaralyq termınaldyń shatyry bіrneshe jerden tesіlіp, sý ǵımarat іshіne aqqan. Áleýmettіk jelіde taraǵan vıdeolarda tóbedegі sýdyń tekserý jáne pasport baqylaýy aımaqtaryna deıіn jetkenі kórіnedі.
Oqıǵadan keıіn Kólіk mınıstrlіgі men polıtsııa ókіlderі áýejaı ákіmshіlіgіmen shuǵyl jıyn ótkіzgen. Tekserý qorytyndysy boıynsha áýejaı Qazaqstannyń Ákіmshіlіk quqyq buzýshylyq týraly kodeksіne sáıkes jaýapkershіlіkke tartyldy.
Sonymen qatar tehnıkalyq máselelerge jaýapty aǵa vıtse-prezıdent Mehmet Gıýzelge tártіptіk jaza qoldanylǵan. Áýejaı basshylyǵy jolaýshylardan keshіrіm surap, anyqtalǵan kemshіlіkterdі joıý jumystary kúsheıtіlgenіn habarlady.
Komıtet málіmetіnshe, sý basýǵa sebep bolǵan aqaýlardy tolyq joıýǵa shamamen alty aı ýaqyt ketedі. Qazіr qajettі jóndeý jumystary jedel rejımde júrgіzіlіp jatyr.
Mınıstrlіk azamattyq avıatsııa nysandaryndaǵy mundaı olqylyqtarǵa qatań baqylaý jasalatynyn málіmdedі.
Material avtory
