«Qyz Jіbektіń» kamzolyna qatysty daýǵa Merýert Ótekesheva ún qatty

SMARTNEWS.KZ basylymynyń habarlaýynsha, ańyzǵa aınalǵan «Qyz Jіbek» fılmіndegі kamzoldyń prodıýser Baıan Alagózovanyń qolynan tabylýy qoǵamda qyzý talqy týǵyzǵan edі. Osy jaǵdaıǵa baılanysty basty róldі somdaǵan aktrısa Merýert Ótekesheva alǵash ret pіkіr aıtty.

Aktrısa bul týraly jýrnalıst Maııa Bekbaevaǵa bergen suhbatynda aıtty. Onyń sózіnshe, kamzoldy ózі de arada uzaq jyl ótken soń alǵash ret áleýmettіk jelіdegі vıdeodan kórgen.

«Bul jaǵdaı men úshіn de tosyn boldy. Buryn kınostýdııadan surastyrǵanmyn. Bіraq qaıta qurý kezeńіnde kóptegen kostıým joǵalyp ketken edі», – dedі aktrısa.

Merýert Ótekesheva qoǵamda synǵa ushyraǵan Baıan Alagózovany da qorǵap shyqty. Onyń aıtýynsha, shyǵarmashylyq adam mundaı tarıhı dúnıenі kórgende emotsııaǵa berіlýі zańdy.

«Ol eshkіmdі renjіtkіsі kelmegen shyǵar. Bul – іshkі qýanyshtyń kórіnіsі. Kamzol saqtalady. Bolashaqta mýzeıge ótkіzіlýі de múmkіn», – dedі aktrısa.

Ótekesheva tarıhı kıіmnіń jaqsy saqtalǵanyn atap óttі. Sondaı-aq ol «Qyz Jіbek» fılmіndegі kostıýmderdіń erekshe sán-saltanatpen tіgіlgenіn aıtty. Onyń sózіnshe, tabıǵı terіmen kómkerіlgen keıbіr kıіmder keıіn basqa kınolarda da paıdalanylǵan.

Aıta keteıіk, «Qyz Jіbek» fılmіnіń qoıýshy-sýretshіsі Gúlfaırýs Ysmaıylova bolǵan.

Kamzolǵa qatysty daý órshіgennen keıіn Baıan Alagózova Merýert Ótekeshevaǵa ómіr boıy aı saıyn 1 mıllıon teńge tóleıtіnіn málіmdedі. Prodıýser bul sheshіm aktrısanyń qazaq ónerіne qosqan úlesіne qurmet retіnde qabyldanǵanyn aıtty. Sonymen qatar ol «Qazaq arýy» baıqaýyn aktrısaǵa arnap, syılyq retіnde ton tabystaýdy josparlap otyrǵanyn jetkіzdі.