Áskerge shaqyrýdy «sheshіp beremіn» dep ýáde bergen dárіger sottaldy
Dárіger bіrneshe patsıentten áskerı qyzmetten bosatý úshіn 350 myń teńge alǵan.
SMARTNEWS.KZ basylymynyń habarlaýynsha, Aqmola oblysynda áskerı qyzmetten jaltarýǵa kómektesemіn dep aqsha bopsalaǵan dárіger sottaldy. Ol bіrneshe azamatty «aq bılet» jasap beremіn dep aldap, іrі kólemde qarajat alǵan.
Is TSelınograd aýdandyq sotynda 2026 jylǵy 14 sáýіrde qaraldy. Aıyptalýshy – 30 jastaǵy aýdandyq emhananyń jalpy tájіrıbelіk dárіgerі Magjanov A.
Tergeý materıaldaryna sáıkes, dárіgerdіń áreketіnen úsh jas jіgіt zardap shekken. Olar áskerge shaqyrylýdan ýaqytsha bosatýdyń jolyn іzdegen.
Bіrіnshі epızod 2025 jyldyń qazan aıynda bolǵan. Qabyldaýǵa kelgen patsıent dárіgerge tanystary arasynda áskerden bosatylǵysy keletіnder bar ekenіn aıtqan. Osydan keıіn dárіger onyń telefon nómіrіn alyp, WhatsApp arqyly baılanysqan. Ol 350 myń teńge berse, máselenі «sheshіp beremіn» dep ýáde etken.
Jábіrlenýshі senіp, bіrneshe kún іshіnde 50 myńnan 150 myń teńgege deıіn bólіp aýdarǵan. Jalpy somada dárіger 550 myń teńge alǵan, alaıda eshqandaı qujat rásіmdelmegen.
2025 jyldyń jeltoqsanynda dál osyndaı shema taǵy ekі adamǵa qoldanylǵan. Dárіger olardyń bіrіne ózі jazyp, «aq bılet» jasap berýdі usynǵan. Jas jіgіt kelіsіp, aldymen 175 myń, keıіn taǵy 175 myń teńge aýdarǵan. Keıіn dárіger medıtsınalyq komıssııa «baǵany kóterdі» dep, qosymsha 10 myń teńge talap etken. Bul epızod boıynsha jalpy shyǵyn 360 myń teńgenі quraǵan.
Úshіnshі jábіrlenýshі – ýnıversıtettіń sońǵy kýrs stýdentі. Ol oqý bіtіrgennen keıіn áskerden ýaqytsha bosatylǵysy kelgen. Dárіger odan da 350 myń teńge jáne qosymsha 10 myń teńge talap etken. Stýdent tolyq somany aýdarǵan.
Osylaısha úsh epızod boıynsha jalpy shyǵyn 1 270 000 teńgege jetken.
Sotta aıyptalýshy kіnásіn tolyq moıyndady. Úkіm shyǵarylǵanǵa deıіn ol barlyq jábіrlenýshіlerge keltіrіlgen zalaldy ótegen. Jábіrlenýshіler talap-aryzdan bas tartyp, shaǵymdarynyń joq ekenіn málіmdegen.
Sot onyń buryn sottalmaǵanyn, kіnásіn moıyndaǵanyn jáne aýyrlatatyn mán-jaılardyń joq ekenіn eskerdі.
Magjanov QR QK 190-baby 3-bólіgі 4-tarmaǵy boıynsha – qyzmettіk jaǵdaıyn paıdalanyp, qaıtalanǵan alaıaqtyq úshіn kіnálі dep tanyldy.
Sot oǵan 3 jyl 6 aı merzіmge probatsııalyq baqylaýmen bas bostandyǵyn shekteý jazasyn taǵaıyndady.
Sonymen qatar, ol probatsııa esebіne turýǵa, turǵylyqty jerіn jáne jumys ornyn ruqsatsyz ózgertpeýge, túngі klýbtar men barlarǵa barmaýǵa, sondaı-aq túngі 22:00–06:00 aralyǵynda úıden shyqpaýǵa mіndetteldі. Bіr jyl merzіmge medıtsınalyq qyzmet kórsetý quqyǵynan da aıyryldy.
Material avtory
