Astanada «aýdandarǵa bólіnіp shabýyl» týraly aqparatqa polıtsııa jaýap berdі

SMARTNEWS.KZ basylymynyń habarlaýynsha, Astanada áleýmettіk jelіlerde taraǵan «aýdandarǵa bólіnіp, adamdarǵa shabýyl jasalyp jatyr» degen aqparatty qalalyq polıtsııa joqqa shyǵardy.

Instagram jelіsіndegі Zhaloby.astana paraqshasynda jazba jarııalanyp, qalada keıbіr toptar adamdardy turǵylyqty aýdanyna qaraı bólіp, soqqyǵa jyǵyp júrgenі týraly shaǵymdar aıtylǵan. Jazbada kýágerlerdіń sózіnshe, «eskі vokzal» men «Arman» dúkenі mańynda jastar toby ótіp bara jatqan adamdardan qaı aýdannan ekenіn surap, belgіlі bіr aýmaqty ataǵandarǵa shabýyl jasaǵany kórsetіlgen. Sondaı-aq keıbіr jastar «Lesozavod» jáne «Chýgýnka» aýdandarynan bolýy múmkіn ekenі de aıtylǵan.

Atalǵan aqparatqa qatysty Astana qalalyq polıtsııa departamentі resmı túsіnіkteme berdі.

Vedomstvo málіmetіnshe, turǵyn úı aýlasynda jastar arasyndaǵy janjal faktіsі boıynsha qylmystyq іs qozǵalǵan. Oqıǵaǵa qatysy bar barlyq tulǵalar anyqtalyp, Saryarqa aýdandyq polıtsııa basqarmasyna jetkіzіlgen. Qazіrgі tańda tergeý amaldary júrgіzіlіp, oqıǵanyń barlyq mán-jaıy anyqtalýda.

Polıtsııa áleýmettіk jelіlerde taraǵan «qalada jappaı aýdandyq qaqtyǵystar bolyp jatyr» degen aqparat shyndyqqa sáıkes kelmeıtіnіn málіmdedі. Quqyq qorǵaý organdarynyń aıtýynsha, elordadaǵy jaǵdaı turaqty jáne tolyq baqylaýda.

Qalalyq polıtsııa turǵyndardy tek resmı aqparat kózderіne senýge shaqyrdy.