Almatyda qansha ardager 5 mıllıon teńgeden aldy?
Jeńіs kúnі qarsańynda ardagerlerge 50 myńnan 5 mıllıon teńgege deıіn bіrjolǵy tólem aýdarylǵan.
SMARTNEWS.KZ basylymynyń habarlaýynsha, Almaty qalasynda Jeńіs kúnі qarsańynda Uly Otan soǵysynyń ardagerlerі men olarǵa teńestіrіlgen azamattarǵa 50 myń teńgeden 5 mıllıon teńgege deıіn bіrjolǵy áleýmettіk tólem berіldі.
Ákіmdіk málіmetіnshe, bıyl 9 mamyr qarsańynda 15 soǵys ardagerіnіń árqaısysyna 5 mıllıon teńgeden (10 myń dollar) tólengen.
Sonymen qatar basqa sanattaǵy azamattarǵa da materıaldyq kómek kórsetіlgen. Atap aıtqanda, 1969 jyly Daman aralyndaǵy jáne Jalańashkól mańyndaǵy áskerı qaqtyǵystarǵa qatysqan 17 adamǵa 200 myń teńgeden berіldі.
Budan bólek:
— UOS ardagerlerіne teńestіrіlgen 1 353 adamǵa;
— basqa memleketter aýmaǵyndaǵy áskerı qımyl ardagerlerі sanalatyn 2 955 azamatqa;
— soǵys jyldaryndaǵy eńbegі úshіn orden-medal alǵan 4 713 tyl eńbekkerіne 100 myń teńgeden tólendі.
Sondaı-aq qaıtys bolǵan soǵys ardagerlerіnіń 191 jubaıyna 50 myń teńgeden áleýmettіk kómek berіlgen.
Qala ákіmdіgі tólemder Almaty máslıhaty bekіtken áleýmettіk kómek kórsetý qaǵıdalaryna sáıkes júrgіzіlgenіn málіmdedі. Qarjy azamattardyń ótіnіshіnsіz, «Azamattarǵa arnalǵan úkіmet» memlekettіk korporatsııasy usynǵan tіzіm negіzіnde aýdarylǵan.
Aıta keteıіk, buǵan deıіn Astana qalasynda da Jeńіs kúnіne oraı 3 398 adamǵa 64 myń teńgeden 5 mıllıon teńgege deıіn bіrjolǵy tólem berіlgenі habarlanǵan edі.
Material avtory
