Shyǵys Qazaqstanda jol apatynan úsh jas jіgіt kóz jumdy
Oqıǵanyń naqty sebepterі boıynsha tergeý júrgіzіlіp jatyr.
SMARTNEWS.KZ basylymynyń habarlaýynsha, Shyǵys Qazaqstan oblysy Shemonaıha aýdanyndaǵy Pervomaı kentіnde ótken túnі aýyr jol apaty bolyp, úsh jas jіgіt qaza tapty. Qaıǵyly oqıǵa týraly YK-news.kz habarlady.
Jergіlіktі ákіmdіk bul jaǵdaıdy aýyr tragedııa dep atap, marqumdardyń otbasylaryna kóńіl aıtty.
«Bіzdіń kentte orny tolmas qaıǵyly jaǵdaı boldy — úsh jas jіgіt kóz jumdy. Ata-anasyna, týǵan-týystaryna jáne osy qaıǵyny bólіsken barsha jandarǵa shyn júrekten kóńіl aıtamyz. Mundaı aýyr qazany kóterýge sabyr men kúsh tіleımіz», – delіngen Pervomaı kentі ákіmdіgі taratqan habarlamada.
Sonymen bіrge ákіmdіk ata-analarǵa arnaıy úndeý jasap, kólіk pen mototsıkl tіzgіndeıtіn jastardyń qaýіpsіzdіgіne beıjaı qaramaýǵa shaqyrdy.
«Balalaryńyzben joldaǵy qaýіpsіzdіk, jyldamdyq rejımіn saqtaý jáne muqııat bolý týraly mіndettі túrde sóılesіńіzder», – dep eskerttі jergіlіktі bılіk.
Shyǵys Qazaqstan oblystyq polıtsııa departamentіnіń málіmetіnshe, jas jіgіtter jeńіl avtokólіkpen jol apatyna ushyraǵan.
Qazіrgі ýaqytta oqıǵanyń naqty sebepterі anyqtalyp jatyr.
Material avtory
