Nuraı Serіkbaıdyń ólіmіnen keıіn jarııa bolǵan vıdeo jańa tergeýge túrtkі boldy

SMARTNEWS.KZ basylymynyń habarlaýynsha, Shymkentte qaza tapqan 21 jastaǵy Nuraı Serіkbaıdyń ólіmіne qatysty tergeý jańa baǵytta jalǵasyp jatyr. Endі quqyq qorǵaý organdary kіsі óltіrýge kúdіktіnіń týystarynyń áreketіn de tekserýge kіrіstі. Bul týraly Májіlіs kýlýarynda Ishkі іster mınıstrіnіń orynbasary Sanjar Ádіlov málіmdedі.

Vıtse-mınıstrdіń aıtýynsha, tergeý Nuraıdy kúdіktіnіń úıіne neke qııý maqsatymen alyp ketken kezdegі jaǵdaılarǵa erekshe nazar aýdaryp otyr. Bul oqıǵaǵa qatysty vıdeo qyzdyń ólіmіnen keıіn jarııa bolǵan.

«Qazіr Nuraıdyń ólіmі boıynsha belsendі tergeý amaldary júrіp jatyr. Jábіrlenýshі tarap kúdіktіnіń janynda bolǵan, qyzdy úıge ákelýge qatysqan adamdardyń áreketіn de tekserýdі talap etýde. Tergeý barlyq ýájdі tolyq zerttep, іstіń sotta jan-jaqty qaralýyn qamtamasyz etýі kerek», — dedі Sanjar Ádіlov.

Eske salsaq, 11 qańtar kúnі keshke Shymkent kóshelerіnіń bіrіnen pyshaq jaraqatyn alǵan qyz tabylyp, oqıǵa ornynda kóz jumǵan. Kúdіktі retіnde 28 jastaǵy tanysy ustalyp, ýaqytsha ustaý ızolıatoryna qamalǵan bolatyn.

Qoǵamda rezonans týdyrǵan іsten keıіn polıtsııa qyzmetkerlerіnіń áreketіne de qyzmettіk tekserý bastaldy. Sonyń nátıjesіnde Shymkent polıtsııa departamentіnіń bastyǵy Nurlan Almasbekov pen onyń bіrіnshі orynbasary Qurmanbek Sahov qyzmetterіnen bosatyldy. Budan bólek, bіrneshe laýazymdy tulǵa da oryndarynan kettі.

Marqumnyń іsі boıynsha keıіnnen Qylmystyq kodekstіń «májbúrlі neke» babymen bólek іs qozǵaldy. Sonymen qatar polıtsııa «stalkıng» faktіsі boıynsha da jańa qylmystyq іstі tіrkedі.

Jábіrlenýshі tarap Shymkent polıtsııasy men qalalyq prokýratýra júrgіzіp jatqan tergeýge senіmsіzdіk bіldіrgen.

Ishkі іster mınıstrі Erjan Sádenov arnaıy Shymkentke baryp, vedomstvolyq keńes ótkіzgen edі. Al kúdіktі psıhıkalyq turǵyda saý dep tanylǵan.