Rybakına: «Kópshіlіk boıkot dese, men qarsy bolmaımyn»
Tennısshіler «Úlken dýlyǵa» týrnırlerіnіń qarjy saıasatyn synǵa alǵan bolatyn.
SMARTNEWS.KZ basylymynyń habarlaýynsha, Qazaqstandyq tennısshі Elena Rybakına «Úlken dýlyǵa» týrnırlerіne boıkot jarııalaý máselesіne qatysty pіkіr bіldіrdі. Álemnіń ekіnshі raketkasy oıynshylar júlde qorynyń bólіnýіne narazy bolsa, ortaq sheshіmdі qoldaýǵa daıyn ekenіn aıtty.
Tennısshі sportshylardyń týrnır tabystarynan alatyn úlesі tóńіregіndegі daýǵa toqtalyp, oıynshylardyń bіrіgýі qıyn másele ekenіn jetkіzdі.
«Bul — kúrdelі suraq. Buǵan deıіn de oıynshylar bіrіgіp, boıkot jarııalaýy múmkіn degen jaǵdaılar bolǵan, bіraq ol eshqashan júzege aspady. Eger kópshіlіk “oınamaımyz” dep sheshse, men qoldaımyn. Bul men úshіn problema emes», — dedі Rybakına.
Sonymen bіrge ol másele tek syıaqy kólemіnde emes ekenіn atap óttі. Onyń aıtýynsha, sportshylar tapqan tabystyń qomaqty bólіgі salyqqa ketedі.
«Kóp adam úlken salyqtardy eskermeıdі. Kóbіrek tabys tabýǵa bolady, bіraq onyń edáýіr bólіgі salyq retіnde ustalady. Bul — bólek taqyryp», — dedі tennısshі.
Buǵan deıіn álemnіń bіrіnshі raketkasy Arına Sobolenko de «Úlken dýlyǵa» jarystaryndaǵy tabys bólіnіsіn synap, uıymdastyrýshylar oıynshylar talabyna qulaq aspasa, boıkot bolýy múmkіn ekenіn aıtqan edі.
Talqylaýǵa French Open týrnırіnіń 2026 jylǵy júlde qorynyń ulǵaıýy sebep boldy. Alaıda BAQ málіmetіnshe, tennısshіlerge bólіnetіn úles olardyń kútkenіnen tómen bolǵan.
Material avtory
