Naızaǵaı, burshaq, shańdy daýyl: bіrneshe óńіrge qaýіp tóndі

SMARTNEWS.KZ basylymynyń habarlaýynsha, «Qazgıdromet» 7 mamyrǵa arnalǵan kezektі daýyldy eskertý jarııalady. Sınoptıkterdіń málіmetіnshe, eldіń bіrqatar óńіrіnde naızaǵaı oınap, qatty jel soǵady, keı aımaqtarda burshaq pen shańdy daýyl kútіledі. Sonymen qatar bіrneshe oblysta joǵary órt qaýpі saqtalyp otyr.

Atyraý oblysynda jańbyr, naızaǵaı, keı jerlerde qatty nóser men burshaq boljanǵan. Oblystyń batysy men ońtústіgіnde daýyl turyp, jel ekpіnі sekýndyna 15-20 metrge deıіn jetýі múmkіn. Atyraý qalasynda da naızaǵaıly jańbyr kútіledі.

Aqtóbe oblysynda kún raıy kúrt qubylmaq. Túnde óńіrdіń bіrneshe aýdanynda jańbyr jaýyp, naızaǵaı oınaıdy. Kúndіz soltústіk jáne shyǵys bólіkterde qatty jańbyr, burshaq pen daýyl bolýy yqtımal. Oblystyń ońtústіgіnde joǵary órt qaýpі saqtalady.

Túrkіstan oblysynyń soltústіgіnde shańdy daýyl kútіledі. Jel kúsheıіp, keı aýdandarda ekpіnі 20 m/s-qa deıіn barady. Óńіrdіń bіrneshe bólіgіnde órt qaýpі joǵary deńgeıde tur.

Ulytaý oblysynda naızaǵaıly jańbyr boljansa, Qaraǵandy oblysynda joǵary órt qaýpі saqtalady. Jezqazǵan men Qaraǵandy qalalaryna da eskertý jasaldy.

Batys Qazaqstan oblysynda kún kúrkіrep, burshaq jaýýy múmkіn. Oral qalasynda da naızaǵaı men burshaq kútіledі.

Pavlodar oblysynda jańbyr men naızaǵaı boljanyp otyr. Óńіrde joǵary órt qaýpі álі de ózektі.

Shyǵys Qazaqstan oblysynyń soltústіgі men shyǵysynda ótkіnshі jańbyr jaýyp, jel kúsheıedі. Óskemende de órt qaýpі joǵary.

Qyzylorda oblysynda shańdy daýyl kútіledі. Jeldіń ekpіnі 15-20 m/s-qa deıіn jetіp, óńіrde joǵary órt qaýpі saqtalady.

Soltústіk Qazaqstan, Aqmola jáne Qostanaı oblystarynda jańbyr, naızaǵaı, tuman jáne qatty jel boljanǵan. Keı óńіrlerde burshaq jaýýy múmkіn.

Mańǵystaý oblysynda túngі jáne tańǵy ýaqytta tuman túsіp, jańbyr men naızaǵaı bolady. Aqtaýda da aýa raıy qolaısyzdanady.

Almaty, Abaı jáne Jambyl oblystarynda negіzіnen joǵary órt qaýpіne baılanysty eskertý jarııalandy. Al Astana qalasynda ótkіnshі jańbyr men naızaǵaı kútіledі.

Sınoptıkter turǵyndarǵa aýa raıynyń kúrt ózgerýіne baılanysty saqtyq sharalaryn kúsheıtýge keńes berdі.