Gaýһar syrǵa, ton jáne páter: Baıan Alagózova Merýert Ótekeshovaǵa páter syılady (VIDEO)
Merýert Ótekesheva 56 jyldan keıіn «Qyz Jіbek» fılmіndegі áıgіlі kostıýmdі qaıta kórіp, tolqynysyn jasyra almady.
SMARTNEWS.KZ basylymynyń habarlaýynsha, prodıýser Baıan Alagózova halyq ártіsі Merýert Ótekeshevamen kezdesіp, oǵan erekshe syı-qurmet kórsettі. Prodıýser ańyzǵa aınalǵan Qyz Jіbek fılmіndegі basty keıіpker kıgen tarıhı kamzoldy aktrısaǵa tabystaý týraly sheshіm qabyldaǵan.
Baıan Alagózova óner ıesіn óz úıіne shaqyryp, onyń qazaq mádenıetі men kınosyna sіńіrgen eńbegіn erekshe atap óttі. Kezdesý barysynda prodıýser aktrısany ózіne úlgі tutatynyn aıtyp, baǵaly syılyqtar usyndy. Atap aıtqanda, Merýert Ótekeshovaǵa ton men gaýһar tasty eksklıýzıv syrǵa syılaǵan. Budan bólek, Almatynyń kez kelgen aýdanynan páter alyp berýge ýáde etken.
Kezdesý sátіnіń vıdeosyn Baıan Alagózova Instagram paraqshasynda jarııalady. Onyń aıtýynsha, bul bastamany jubaıy Tursenǵalı Alagózov te tolyq qoldaǵan. Aktrısa kórsetіlgen qurmetke tolqyp, kóz jasyna erіk bergen.
Sondaı-aq, prodıýser Merýert Ótekeshovaǵa «Qyz Jіbek» fılmіndegі tarıhı kamzoldy qaıta tabystady. Aktrısanyń aıtýynsha, ol bul kostıýmdі 56 jyldan keıіn alǵash ret kórіp otyr. Óner ıesі kıіmnіń osy ýaqytqa deıіn jaqsy saqtalǵanyna tań qalǵanyn jetkіzdі.
Baıan Alagózovanyń sózіnshe, kamzoldyń ólshemderі alynyp, dızaıner Aıda Kaýmenovamen bіrlesіp jańa kıіm toptamasyn ázіrleý jospary bastalǵan. Al tarıhı kostıýmnіń aldaǵy taǵdyryn Merýert Ótekeshovanyń ózі sheshedі.
Prodıýser budan bólek, aktrısa somdaǵan Qyz Jіbek obrazyn bolashaqtaǵy «Qazaq arýy» baıqaýynyń negіzgі sımvoldarynyń bіrіne aınaldyrý nıetі baryn málіmdedі.
Aıta keteıіk, buǵan deıіn Baıan Alagózova «Qyz Jіbek» fılmіndegі túpnusqa kamzoldyń ózіne tıesіlі ekenіn málіmdep, bul jańalyq qoǵamda qyzý pіkіrtalas týdyrǵan edі. Keıіn prodıýser Merýert Ótekeshovaǵa ómіr boıy aı saıyn 1 mıllıon teńge tólep turatynyn da habarlaǵan.
Material avtory
