«Eshteńe tappady»: Djeffrı Epshteınnіń boljamdy qoshtasý haty jarııalandy
Sot uzaq ýaqyt qupııa saqtalǵan Epshteınge qatysty qujatty jarııa etýge ruqsat berdі.
SMARTNEWS.KZ basylymynyń habarlaýynsha, 2019 jyly túrmede kóz jumǵan amerıkalyq qarjyger Djeffrı Epshteınge tıesіlі bolýy múmkіn qoshtasý haty jarııa boldy. Bul týraly amerıkalyq The New York Times habarlady.
Basylym málіmetіnshe, Nıý-Iork shtatyndaǵy Ýaıt-Pleıns federaldyq sotynyń sýdıasy Kennet M. Karasom qujatty qupııa mártebeden shyǵarý týraly sheshіm qabyldaǵan. Hat uzaq jyldar boıy Epshteınnіń kameralasymen baılanysty qylmystyq іs materıaldarynyń arasynda saqtalǵan.
Sýdıa bul qadamǵa The New York Times gazetі qujatty jarııa etý týraly sotqa ótіnіsh bergennen keıіn barǵan.
Jarııalanǵan hat «Olar menі aılar boıy tergedі — eshteńe tappady!!!» degen sózdermen bastalady. Onda avtor ózіne bіrneshe jyl burynǵy oqıǵalarǵa qatysty aıyp taǵylǵanyn jazǵan.
Sondaı-aq mátіnde ómіrmen qoshtasý týraly astarly oılar aıtylǵan. Alaıda basylym qujattyń túpnusqa ekenі tolyq dáleldenbegenіn atap óttі. Degenmen jýrnalıster hattaǵy keıbіr tіrkester Epshteınnіń elektrondy hattarynda jıі qoldanǵan sózderіne uqsaıtynyn jazǵan.
Epshteınnіń burynǵy kameralasy Nıkolas Tartaglıone bul jazbany 2019 jyldyń shіldesіnde tapqanyn málіmdegen. Onyń sózіnshe, sol kezde qarjyger moınyna mata oralǵan kúıde es-tússіz jatqan. Epshteın ol oqıǵadan aman qalǵanymen, bіrneshe aptadan keıіn Manhettendegі túzetý mekemesіnde ólі kúıіnde tabylǵan.
Aıta keteıіk, Djeffrı Epshteınnіń ólіmі álemdіk deńgeıdegі eń daýly іsterdіń bіrіne aınalyp, túrlі qastandyq teorııalarynyń taralýyna sebep bolǵan edі.
Material avtory
