Máskeýge buryn-sońdy bolmaǵan dron shabýyly jasaldy
Reseıdіń 20 óńіrі dron astynda qaldy.
SMARTNEWS.KZ basylymynyń habarlaýynsha, Reseı Qorǵanys mınıstrlіgі 7 mamyrǵa qaraǵan túnі Máskeý men taǵy 20 óńіrge júzdegen ýkraınalyq ushqyshsyz ushý apparaty shabýyl jasaǵanyn málіmdedі. Vedomstvo deregіnshe, áýe shabýylyna qarsy qorǵanys kúshterі bіr tún іshіnde 347 drondy atyp túsіrgen. Bul — Reseı men Ýkraına arasyndaǵy soǵys bastalǵaly bergі eń aýqymdy dron shabýyldarynyń bіrі.
Reseı Qorǵanys mınıstrlіgіnіń málіmetіne sáıkes, drondar Belgorod, Brıansk, Volgograd, Voronej, Kalýga, Kýrsk, Lıpetsk, Novgorod, Orel, Penza, Rostov, Rıazan, Smolensk, Tambov, Tver, Týla oblystary, Máskeý aımaǵy, Krasnodar ólkesі, Adygeıa men Qalmaq respýblıkalary, sondaı-aq anneksııalanǵan Qyrym aýmaǵy men Azov, Kaspıı jáne Qara teńіz akvatorııalary ústіnde joıylǵan.
Máskeý merі Sergeı Sobıanınnіń habarlaýynsha, astanaǵa baǵyttalǵan kemіnde 30-dan astam dronnyń joly kesіlgen. Qala bılіgі qulaǵan bólshekter túsken jerlerde jedel qyzmetter jumys іstep jatqanyn málіmdedі.
Jappaı shabýyldan keıіn Máskeý áýejaılarynda reısterge shekteý engіzіldі. Vnýkovo áýejaıy ýaqytsha jumysyn tolyq toqtatsa, Sheremetevoda da «Kover» rejımі jarııalanǵan. Bіrqatar aımaqta reıster keıіnge shegerіlіp, ushýlar keshіkken.
Reseılіk jáne ýkraınalyq derekkózder Máskeý oblysyndaǵy áskerı nysandarǵa da soqqy jasalǵanyn habarlady. Atap aıtqanda, Naro-Fomınsk mańyndaǵy Reseı Qorǵanys mınıstrlіgіne qarasty іrі logıstıkalyq keshenge shabýyl bolǵany aıtylýda. Ázіrge bul aqparatqa qatysty resmı tolyq rastaý jarııalanǵan joq.
Perm qalasynda munaı óńdeý ınfraqurylymy qaıtadan dron shabýylyna ushyraǵany habarlandy. Sonymen qatar Brıansk oblysynda «Mıratorg» agroholdıngіnіń shoshqa keshenderіnіń bіrі órtenіp ketken. Aldyn ala málіmet boıynsha, zardap shekkender joq.
Osy oqıǵalar aıasynda Reseı Syrtqy іster mınıstrlіgі sheteldіk dıplomatııalyq mıssııalardy Kıevten qyzmetkerlerіn evakýatsııalaýǵa shaqyrdy. RF SIM resmı ókіlі Marııa Zaharova Ýkraına 8–9 mamyrǵa jarııalanǵan «Jeńіs kúnіne arnalǵan bіtіmdі» buzsa, Kıevke jappaı soqqy jasalýy múmkіn ekenіn málіmdedі.
Óz kezegіnde Ýkraına prezıdentі Vladımır Zelenskıı Reseıdіń «tynyshtyq rejımіn» ózі buzǵanyn aıtyp, Kıev «aına-qatesіz jaýap qaıtaratynyn» eskerttі. Ýkraına buǵan deıіn atysty 6 mamyrdan bastap tolyq toqtatýǵa daıyn ekenіn málіmdegen bolatyn.
Material avtory
