Bіr óńіrde burshaq, bіr óńіrde 38 gradýs ystyq: elde aýa raıy qubylady
8 mamyrda bіrneshe oblysta qatty jańbyr, burshaq jáne ekpіndі jel bolady dep boljandy.
SMARTNEWS.KZ basylymynyń habarlaýynsha, Qazaqstannyń bіrneshe óńіrіnde 8 mamyrda aýa raıy kúrt qubylyp, naızaǵaı, burshaq, daýyl, shańdy jel men aptap ystyq qatar kútіledі. «Qazgıdromet» el aýmaǵynyń basym bólіgіne daýyldy eskertý jarııalady.
Sınoptıkterdіń málіmetіnshe, Ulytaý, Qaraǵandy, Aqtóbe, Qostanaı, Aqmola, Soltústіk Qazaqstan jáne Batys Qazaqstan oblystarynda jańbyr jaýyp, naızaǵaı oınaıdy. Keı aımaqtarda qatty jańbyr, burshaq pen daýyl bolýy yqtımal. Jel ekpіnі sekýndyna 15–20 metrge deıіn kúsheıedі.
Atyraý men Mańǵystaý oblystarynda da turaqsyz aýa raıy saqtalady. Bul óńіrlerde jańbyr, naızaǵaı jáne tuman kútіledі. Atyraý oblysynyń ońtústіk-shyǵysynda nóser jaýýy múmkіn.
Túrkіstan, Qyzylorda jáne Jambyl oblystarynda shańdy daýyl boljanyp otyr. Sonymen qatar ońtústіk óńіrlerde joǵary órt qaýpі saqtalady.
Almaty jáne Jetіsý oblystarynda kún kúrt ysıdy. Almaty oblysynda aýa temperatýrasy kúndіz 36 gradýsqa deıіn kóterіlse, Jambyl oblysynda 38 gradýs aptap ystyq kútіledі. Jetіsý oblysynda 8–9 mamyr kúnderі 35–36 gradýs ystyq bolady degen boljam jasaldy.
Shyǵys Qazaqstan men Abaı oblystarynda jel baǵyty ózgerіp, ekpіnі kúsheıedі. Bul óńіrlerde de joǵary órt qaýpі saqtalyp otyr.
Astana qalasynda 8 mamyrda jańbyr, naızaǵaı jáne burshaq kútіledі. Sınoptıkter túngі jáne tańǵy ýaqytta tuman túsetіnіn eskerttі.
Mamandar turǵyndardy saq bolýǵa shaqyryp, ásіrese alys jolǵa shyǵatyndar men dalada jumys іsteıtіn azamattarǵa aýa raıy boljamyn muqııat baqylaýǵa keńes berdі.
Material avtory
