Almatyda burynǵy áıelіn ańdyǵan er adam sot aldynda jaýap berdі

SMARTNEWS.KZ basylymynyń habarlaýynsha, Almatyda áıel adam burynǵy kúıeýіnіń mazasyn alyp, sońynan qalmaı júrgenіne shaǵymdanyp, polıtsııaǵa júgіngen. Is sotqa deıіn jetіp, er adam jaýapqa tartyldy.

Qalalyq polıtsııa departamentіnіń málіmetіnshe, turǵyn quqyq qorǵaý organdaryna burynǵy jubaıynyń turaqty túrde qýdalap júrgenіn aıtyp aryzdanǵan. Osydan keıіn polıtsııa qylmystyq іs qozǵap, tergeý jumystaryn bastaǵan.

Tergeý barysynda er adamnyń zańǵa qaıshy áreketterіn rastaıtyn dálelder jınalǵan. Kúdіktі jedel túrde ustalyp, ýaqytsha ustaý ızolıatoryna qamalǵan. Keıіn іs materıaldary sotqa joldandy.

Sot sheshіmіmen almatylyqqa 100 saǵat qoǵamdyq jumys jazasy taǵaıyndalyp, probatsııalyq baqylaýǵa alynǵan.

Medeý aýdandyq polıtsııa basqarmasy ókіlderіnіń aıtýynsha, azamattardyń psıhologııalyq jaı-kúıі men jeke qaýіpsіzdіgіne nuqsan keltіretіn kez kelgen qýdalaý áreketіne quqyqtyq baǵa berіledі.